我好想搵個場地係可以提供一個大嘅草地，又有Open area比我證婚，而且九龍東Crowne Plaza場地既樓底又好高，符合我既要求，所以就決定係呢度擺酒 😚跟我嘅Sales叫Rita，佢好好，會盡量提供我想要嘅野比我💪🏽原本佢地既酒席係一年前先開賣，但Rita就係我Big day前起碼早左大概一年半就比我睇佢地酒席同埋場地既資料，係呢段時間佢亦有keep住同我聯絡。佢做野好有交帶，好responsible，起碼唔洗要我講幾次就做到件事，所以都覺得佢跟得好好👍🏽我係佈置方面都有好多要求，佢都配合得好好，例如檯布顏色可以為左襯番個theme, 都會肯幫我轉做白色，Ｄ細節位可以好彈性咁去處理。另外我Big day果日酒店又比我12點半Early check in，所以我地就可以有多啲時間去影外影，我都好appreciate👏🏻我啲姊妹都話當日serve我地嘅場地經理跟得好認真，不過惟獨我覺得跟我果個拖裙嘅Assistant可以做得smart D, 跟得足Ｄ就更好。野食方面，之前去過飲宴都覺得佢地係 ok，除左乳豬可以好Ｄ之外，魚同其他菜都好好食😋另外因為有來賓有特別要求，佢地係食素嘅，所以都有加左錢整素菜，而佢地都係覺得好吸引同好食。總括而言我都好滿意Crowne Plaza 既service☺️☺️

一開始係我老公決定喺將軍澳皇冠假日酒店擺酒，佢之前去過呢間酒店嘅婚宴，Location好，又近地鐵站，一出地鐵站就到，都幾受歡迎，價錢又可以接受，所以揀咗呢間。

婚禮當日我有播歌、片，佢地都配合到我哋需要，招呼得幾好🤗。聽親戚朋友講，d食物質素都幾好，可惜我當日太忙食唔到。婚禮當晚有一個staff照顧我，由頭到尾都跟得好貼、好舒服，幫我拎住條裙，上台、斟茶，每一張相都有幫我整理條裙。婚禮前我住喺酒店一晚，本身係free一間房比我，但我加咗錢upgrade做套房，我好滿意間房，間房好大！個場地好靚，因為場地中間無任何柱，所以影相時唔會擋到，燈光等各方面都配合到。酒店既staff好熟悉婚禮流程，所以我好放心💗。擺酒嘅package包含嘅嘢有部分我哋唔太啱用，個Sales都好好咁話比我哋知可以換d咩，例如換咗囍帖做餐前小食、場地花車換咗接送兄弟姊姊嘅van仔，個package可以flexible地換其他嘢。我幾欣賞個package包嘅Agnes b.花球😍，出面買都唔平，仲有每圍兩支紅酒，不過價錢可以再平d更好喇。