至愛天地擺婚展，但我係自己去金都搵佢哋嘅。去到間店之後，佢哋就俾部ipad我睇，我見到都有幾多款，價錢又唔貴，所以就揀咗佢哋。雖然我都睇咗金都其他店，但我鐘意至愛天地套爆線嘅褂，啲金銀線好密，唔記得喺小五福定大五福，所以就join呢間。 因為我個期太近，得5個月去籌備婚禮，所以有啲款冇得租。雖然佢部ipad有好多款，但我問漏咗我想要嘅款bigday喺咪真喺可以租，嗰刻我以為一定會有。例如有款晚裝我好鐘意，但俾人租咗，唯有租另一套差唔多款。因為佢冇提我Ipad有嘅衫bigday會唔會被人租咗，所以其實最好喺我落訂之前幫我check返個期confirm咗先，會好好多。另外，啲衫洗到好似新嘅一樣，唔會殘殘舊舊，還衫亦好快手，總括嚟講都OK。

呢間店我喺會展搵到嘅。其實我覺得會展啲店都OK嘅，但真喺要好清醒，因為我覺得都幾多店喺呃人，而且我真喺被人呃過。 其實我喺一個好肥好肥嘅新娘子，去到間店嘅時候，同佢講我想要一套婚紗兩套晚裝，但佢竟然比三套衫俾我，叫我揀三套，姐喺三揀三！佢話淨喺得呢三套有大碼，「其餘就唔啱我」。我落單嗰陣特登講到明，褂要大五福，婚紗希望試邊一件，但去到就話「唔好意思，冇你size」。其實張單有寫明，因為我好理智地一早叫佢寫低，所以我第一次上完去之後真喺好唔開心。當日仲要有一家人喺到試婚紗，但幫我試衫嗰個女仔好大聲咁講「你呢個著唔落」、「嗰件著唔落」。 其實我都知我自己肥。當時我一上到去，佢拎咗個ipad叫我揀衫，我同佢講我冇乜要求，叫佢有咩啱size嘅衫俾我試就ok。佢望咗我一眼，拎咗啲衫俾我，我問佢有冇其他俾我揀，佢就話得呢啲。之後有個裁縫好大聲咁叫個職員「拎件紫色嘅俾佢啦」，但幫我試衫個女仔就話「佢唔啱著架！」所以嗰一下就覺得好唔開心。其實啲人話我肥已經慣，但佢真喺用一種好不屑、好冇心機嘅語氣話我肥、唔啱，我心諗：我已經冇乜衫可以揀，點解你仲要用咁嘅態度？ 於是，之後我同個經理講：「我join咗你哋，但喺你地冇衫俾我試，你哋同事仲要話我。我見你哋facebook page都有好多人讚，點解你哋可以咁？」講完之後所有嘢都變哂，職員嘅態度好咗好多！佢哋仲特登幫我訂咗三套全新嘅衫，所以最後我都好開心，因為估唔到佢會買啲新衫返嚟俾我。有一件因為太deep v所以就冇要到，之後佢就拎咗一件本身喺店有嘅款俾我試，但我之前明明問過有冇其他款，而佢哋話冇，但結果另一位同事就拎到其他款俾我，所以我諗可能喺個別同事嘅問題。 還衫嘅流程都非常好，冇乜問題，啲衫亦好靚，影出嚟嘅效果非常好！