Egg Creations
3
最新評論
整體滿意度
3
過濾評語:
tiffany
3
精選評論
周圍睇過啲佈置公司都冇乜邊間好impressive,自己又冇乜頭緒,本身諗住佈置自己做嘅,但後尾記得我有keep呢間寄過嚟嘅flyer,雖然過咗promtion買唔到平嘢,但就諗不如都去睇下,於是我冇make appointment就直接上去,發現有好多decorative items。

其實我都周圍去慣呢啲地方,知…
周圍睇過啲佈置公司都冇乜邊間好impressive,自己又冇乜頭緒,本身諗住佈置自己做嘅,但後尾記得我有keep呢間寄過嚟嘅flyer,雖然過咗promtion買唔到平嘢,但就諗不如都去睇下,於是我冇make appointment就直接上去,發現有好多decorative items。 其實我都周圍去慣呢啲地方,知道佢地深不見底嘅倉庫會有好多items,但係招呼你或者俾你睇嘅地方就會好細,其實如果佢願意嘅話,係可以帶妳睇多啲既。佢地有好多album,但俾客人揀嘅可以話來來去去都係得嗰幾個套餐。嗰日嘅經歷只係有男仔看門口,佢真係只係看門口而就只係叫我睇相簿,因為其他人出哂去做嘢,所以我係睇哂佢地所有album。後期約佢哋再傾就得返4本album睇,而我之前睇過嘅其他幾本就無咗喇。問返佢哋就話嗰幾本裡面啲擺設已經冇做,但我話嗰幾本裡面我有幾款覺得鍾意問可唔可以幫我再做,佢哋都話可以。 當我決定join佢哋之後,老闆Joan一路都冇時間見我,又話唔洗咁快見佢住,但最主要嘅原因都只不過係佢忙。我Big Day係10月,而到咗7月,酒席嗰邊啲人都提我話應該要帶佈置公司嚟睇睇個場地,老闆都仲話要去一個月trip,所以直到8月都未去睇場。佢同我講話自己之前有去過,所以唔駛睇。呢點我都幾不滿,因為馬會有一部分係只有會員先可以book,而佢根本冇去過嗰到,而咁啱呢個地方就係我最需要重點佈置既位。到咗Big Day當日佢地嚟setup就話原來個場其實咁大架,嗰陣我真係無嘢講,而我都唔得閒再理佢。 我自己洗多咗好多錢買decoration啲嘢,影相嗰到好多嘢都係我自己買返嚟既。有個朋友同我一齊去跟進佈置啲嘢都話有冇搞錯,錢又俾埋啲嘢又一早講咗要加,冇理由咁耐都冇嘢俾到。我到結婚前嗰10日,(係10日!!!!),先confirm我用乜嘢布料去整,一生人一次嘅wedding我最驚嘅就係個backdrop,我淨係想佢正正常常,唔古怪就得。同Joan一路傾個draft,所有有關電腦嘅嘢全部都唔合格,我已經一路催佢,佢一路話自己搞得掂,其實佢根本唔夠人手。 其實Joan態度係ok既,而我一上佢哋公司睇過就知佢哋唔係好夠人手。我知道佢一路都想搵多啲生意而都係想做到啲嘢出嚟嘅,只不過佢錯判自己對個場既熟程度,因為事實上佢根本就唔了解。我已經同佢講,我可以搵個weekend車佢入去睇吓個場,但係佢都俾唔到時間我。後尾佢出完trip放完假返嚟,結果到9月佢又話啲小朋友要開學,我已經知佢唔會有時間跟我啲嘢,所以就有幾手準備自己去佈置。我後尾同佢講,點解今次wedding有啲嘢我係想make sure ok,係因為我咗請咗好多VIP,尤其我爸爸嗰面,全部都係老行尊同貴賓,食慣飲慣絕對不能得失,我只係祈求唔好整到啲嘢好核突,安全就ok喇。 要講返當中我哋整咗個arch,當初就講好話中午ceremony後(因為係唔同地方),係會可以搬返入去晚宴既地方再用返既。到咗當日佢就話要我加我三千蚊。佢解釋話係呢個步驟要特登留低一個人嚟搬先搬到。我都明既,只係覺得當初佢無諗清楚人手需要,到我大日子先同我講就感覺麻麻。我當時就放棄咗搬入去呢個諗法,就唯有係入口搵個顯眼D既地方擺好就算。 建議大家真係要好清楚自己想要乜嘢setting。因為有好多種,要好warm、elegant、開心cheerful都好,呢啲全部係唔同嘅嘢嚟,顏色配搭嗰啲都係。佈置方面其實佢哋唔會太俾到advice妳,只不過好似菜單咁加吓執吓。同埋佢哋有D嘢初頭講好話ok既,但後尾打嚟又話唔得。我好後悔當初冇同佢哋一齊寫明係張單到,所以我都無得追究。所以合約嗰方面真係睇你係咪咁有心機逐樣同佢磨,因為佢係唔會咁仔細寫既,加上我又無經驗唔識,真係要睇妳好唔好彩。
場地佈置
聯絡資料
2342 2778
info@eggcreations.com.hk
最新優惠
聯絡商戶