Four Seasons 場地夠大，同埋佢地廚房同banquet 地方同一層，出黎D野食都會熱D！我會形容佢為性價比高，唔係平，但係物有所值！我地本身諗住擺30圍，最後擺到32圍，都係好闊落。 佢地好professional，好多advice、logistic flow各方面都安排得好好，亦俾到足夠彈性我地。On the day, D staff跟出跟入，全部都跟得好足👍🏻 所有賓客都好欣賞同好滿意野食！ 有好多位我地一講，佢地已經知道要點樣做，而且每一件事上，佢地都會主動幫我地去諗點樣可以安排同做得更好，我覺得呢樣野好值得欣賞。 前台staff 見到D年老D嘅賓客會好主動去扶，諗點樣俾D老人家方便D。佢地唔會係要你踢一腳先郁一步咁😁 開會過程都好詳細，亦都可以好簡單咁講到俾我聽個有咩位要注意，或者有咩地方要make decisions。 聽D賓客講，整個rundown流程、氣氛、場地都好好！👏🏼

因為我老公喺Four Seasons 同我求婚，對呢個地方有情意結，而且我地覺得職員服務態度都好好，所以就揀返佢地。

佢地嘅場地無柱位，不過其實我係無睇場～因為無人同我講過可以睇。到結婚當日有另一個職員知道原來我無睇過場之後，先問我地點解唔安排睇場？可能之前嗰一個職員覺得唔同客有唔同需要，不過如果當初佢早啲話我知有得睇場咁就更好～雖然我地無睇場，但係枱布、枱花同櫈啲顏色之前都有得揀。佢會問我地會想點樣去配搭，好多嘢都有得比我地自己揀～

我地big day當日服務嘅職員都好好，而且菜式方面都有好心思，例如蘿蔔會砌成心形，呢啲gimmick嘢都會令人記得～