開頭我地打算淨係睇下先，未決定揀佢地。但係聽既過程已經覺得佢地好hard sell, 我感覺好唔舒服。最後因為價錢唔貴，係台灣影只係萬零蚊，所以就揀左佢地。但之後就覺得有啲伏😓影既時候好倉促，好似好趕時間咁。我太太又唔鍾意佢地既化妝師，set個頭唔襯佢。化妝師都有幫我set 埋頭，但係我都唔鍾意。佢前一晚叫我唔好洗頭，我覺得奇怪但係都跟佢既指示啦。結果當日佢幫我set到好似啱啱訓醒咁😑，求其用左一分鐘捽兩嘢，真係唔set好過set🙄所以輯相既風景係靚，但係我地既造型就真係唔掂🤡影完揀相個陣又sell我盡量買多啲。我都明白婚攝公司要靠客人買相賺錢，但係佢地既推銷手法令我覺得好唔舒服，好似俾好多壓力我地咁。我地仲特登影完之後返去佢地台灣公司度揀相，有啲麻煩。影完呢輯相既感覺真係有啲難受

我哋想喺海外影森林景，仲想影漂浮嘅效果～不過就唔係間間都有，而呢間就兩個要求都做到，價錢都平，所以就揀佢哋。佢哋嘅台灣人總監真係口才了得，你真係會覺得唔join唔得嗰種，不過無被迫的感覺！sale技巧超～高！哈哈！

佢哋既化妝師Monica真係化得好靚！ 影到後期其實係要拍漂浮(我哋係香港既時候已經講好咗)，不過跟開個女仔Vicky就唔記得加返落張單到，所以去到台灣嘅時候個攝影師就要打返去問個女仔(因為呢個效果要加錢嘅)，之後就無額外收錢搞返好。嗰女仔都好有責任感，亦都會以客為先。 雖然有出錯時候但係都處理得好好～