我哋喺婚展嗰度俾佢哋sell到好吸引，就落咗訂。後尾不論喺 Bespoke 呢度定 Discuss 嗰邊都見到啲 comment 都好差?。我後來覺得影結婚相真係要貨比三家，我哋原本打算喺香港影，不過見prewedding香港同台灣影差不多價錢，而舊年五月底咁啱又就到時間放假，咪諗住順便去個旅行仔，就揀咗去台灣喇。。。但宜家諗返轉頭都其實真係要揀清楚先做決定?。。。 佢哋都有好多細嘅收費，例如係安瓶同車費。特別係安瓶費，因為我哋之前睇過其他 comment 話去台灣影相，唔理邊間公司都好，都一定要買安瓶！佢地話如果唔買的話個化妝師好有可能會刻意化到妳個樣好衰。所以到我哋俾佢地 sell 安瓶既時候，即使係貴過平時買嗰啲10倍，為咗我哋唔想影出黎咁差我哋最後都買咗，始終都係為求安心無謂博?。不過都想講返攝影師真係好好??，原本我老公只係包咗2套衫一黑一白, 但攝影師自己真係好細心，帶咗好多自己既衫，真係俾咗好多私伙衫借俾我老公等佢可以影到多啲造型，最後我老公就居然可以同我一樣有5套唔同嘅衫可以著！ 去到黎揀相，我哋都覺得影出黎唔係我哋想要嘅嘢...啲相 PS 得太勁～有張相我哋影嘅時候明明係黃昏，但張相出到黎變咗藍藍地，得返好少係橙色。我之前都同佢哋講過想要黃昏感覺，而明明我著咗黃色衫，又去咗啲黃色景度影，結果好多相都無揀到。另一方面，佢哋撈亂晒啲相，唔係順序俾我哋揀。我後期發現其實呢啲係行內sell相既手法嚟既，特登洗到亂晒咁俾妳揀相，例如開始已經揀咗，到後尾一唔為意以為未揀就會再買多一張，所以揀相要小心啲唔好買多咗重複嘅相呀。

我同我先生無做research就去婚展搵，咁佢地梗係勁sell啦，傾個時已經feel到轟炸式，雖然Ｄ相出來既質素係ok，但就係唔習慣佢地台灣人傾生意既方式。佢地真係比較中意chur你，佢就話明碼實價，但去到台灣個邊就發現佢逐樣同你收費後個價錢其實都好貴。個package話就話$8888，但係化妝，禮服想要Ｄ靚Ｄ既款又加錢。好似我去到試衫，個package話包我5套婚紗，但我老公就包2套西裝，好似係一黑一白，但我老公著到上身似酒樓部長，白色個套就以為有塊白板行左出來，肉酸到無辦法一定要加錢換過套，Ｄ款cutting真係好差。後尾先知原來婚紗係法國巴黎，但西裝佢地係外判比其他公司，然後仲要行過2條街試，即係老公同我無得一齊試完睇效果，最後我地加左$4000幾台幣租衫。咁去到租車又係唔包，之後化妝仲誇張，女仔上妝要搽Ｄ安瓶，即係精華素個Ｄ，然後我無帶去，個化妝師就問我做乜唔出去買，係呢到即時買貴好多，因為係到買唔係個化妝師收，係間photography公司收，食水好深，個妝又化得娘！之後揀相仲精彩，個package係包40張相，我影左但我最後無揀個Ｄ佢係唔會比翻我。佢之後就會勁讚我影得好，然後就開個套餐價出黎，話台幣20萬包晒所有相，真係好誇張！咁我地梗係無落搭，揀相個時佢個system又唔user friendly無得同影左既其他相比較，我地揀左4個鐘相，然後中間佢又會突然又有一個套餐價比我，最後我地cut到得52張，我老公都覺得可惜，然後每張補400蚊港紙買翻。即係total最後相又加左四千幾，$1000港紙男禮，又租車又攝影師食飯，仲有化妝加錢個堆，係額外多左$7000幾，足足係個package一倍多，早知真係係香港影就算，起碼follow up action係香港做！