其實上網一搵deco公司就已經會見到有好多間，我地都睇咗好多間同埋睇咗好多資料。我地見Grand Forest佢地時間上係真係做得最耐最長嘅公司，有成十幾年經驗，唔係新開嘅公司，相對上我地信心都會大啲～ 我地第一次去同佢地傾嘅時候佢地已經好好，好願意去了解去聽我想要啲咩野，又唔會介意俾佢地之前客人啲相我地睇。其實而家上網好方便，好多資訊可以睇，令到我地反而唔知應該要咩先啱我地！就係我地15 16嘅時候，佢地就好好咁慢慢guide住我地，俾建議幫我地去做選擇。我地第一次上去傾嗰日其實都未咁快決定到，想走個陣佢地都唔會黑面或者係俾面色我地睇，反而係話「你地中意就join，唔啱就唔好勉強，因為真係一生人一次，最緊要揀自己中意」。佢地嘅反應令到我地覺得好舒服，同埋感覺佢地係一間好大方嘅公司，真係無hard sell～所以好快過左幾日我地就已經決定落訂。 我地擺酒個度其實基本擺設都有齊，所以主要都係整兩個backdrop。佢地都有好多款式，當然可能對比D新公司，佢地D款式就未必係最新潮個D，但佢地都俾左好多選擇我地。有時我睇完唔記得，佢地又會再send過俾我地，再問下係咪呢個樣，都唔會嫌我唔記得或者要我自己查返。有時我見到啲相覺得好似幾好又會俾佢地睇，然後再大家討論。因為我地好遲先影pre wedding，所以都出唔到相俾佢地做嘢。但佢地都好好，叫我地問攝影師攞住相，幫我地簡單咁執一執之後照用咗先，都無extra收我地附加費！而且喺未有結婚相之前，佢地就盡量做左幾個layout俾我地揀，幫我地縮窄個範圍要搵啲咩相俾佢地，好方便我地。另外，我同老公得閒嘅時間都唔同，佢地要等完我覆，再等我老公覆埋，先出到新嘅圖，其實都好麻煩，但佢地都無介意～ 到我big day個日，其實我地都好忙，都有啲甩漏，無好清楚同佢地講到第二個backdrop擺係邊個位。所以當日我地未到場，佢地就有D迷惘，因為本身講果個位係打麻雀位，但係擺個度就無咩人會過去影相，佢地臨場見到咁嘅情況就建議擺去第二個位，出尼個效果都好好！佢地仲特登係backdrop度加多D燈光，呢個位我地自己都無留意到，真係好細心。個個feedback都話D backdrop好靚，而且價錢合理同埋detail位都好足，好多朋友都話結婚都想搵佢地～我地自己都覺得佢地都真係做得好好，好完美～！

Grand Forest係我地擺酒間酒店用開嘅deco 公司，酒店嗰邊個package都包左佢地嘅服務。雖然包咗，但我地都有再睇下其他公司先決定～睇完佢地啲相之後覺得佢地都做得好好，所以到最後就揀返佢地。 我地第一次同佢地嘅staff傾嘢時候已經覺得佢地幾好，會主動咁俾唔同嘅ideas，同埋始終佢地公司都做左咁多年，真係儲落有好多嘅reference俾我地睇。我地主要搵佢地整backdrop、reception table、一個有啲木框擺相嘅corner、welcome board同埋一啲foam board 。我地對顏色都有啲要求，又想要一啲特定嘅字體同埋波點，佢地都做到我地想要嘅野。 傾嘢期間令我好深刻嘅係有時我地講左我地想要嘅野，佢地會好主動咁搵啲相俾我地睇下，問下係咪我地想要嘅野，同埋會即刻俾埋建議我地如果想要咁樣，其他地方就可以點樣配搭等等，好主動俾好多建議我地！ 當日，師傅都好準時黎到set場，我地到場時嗰時佢地都已經差唔多完成哂。效果好好，都整得好靚，同我地預期嘅好一致，啲親朋好友都話好靚同埋啲顏色配搭得好好～～我地最近都有朋友準備結婚，都有介紹Grand Forest俾佢地，因為佢地真係做得好好～！