揀呢到擺酒因為我老公既公司係呢到成日搞event，咁就會同佢個sales聯絡開。咁我就覺得話晒有人介紹就點都應該好啲。 我大概記得開始同我溝通嗰位同事個名唔係好幾記得，好似係叫Cindy。我個人感覺就係佢唔係好上心，就好似我當日Big Day咁，佢都只係顧住落嚟同我老公嗰邊啲老闆social，同佢哋傾完就走咗喇。都明白佢係當初傾package嗰個而後期會交俾其他人跟，但係我就都覺得佢可以細心啲，唔好全日都好似見唔到就好啲。負者當晚in charge我嗰位同事就好好，幫我安排時間，特別要讚係當日全程跟住我嗰位妹妹真係好好，好細心，又會幫我攞嘢，又擔心我口渴攞嘢俾我飲。 個場地我最鍾意佢既outdoor garden嗰個位，有地方可以做到一個cocktail area。因為當日得我哋一個event，所以佢都俾我哋用埋嚟影相。個Ballroom好靚，樓底又好高，我哋擺30幾圍都好舒服。其他配套例如Setup呀，裝修燈光音響都okay既，但係當日serve cocktail 嗰到就可以好啲。 當日Candy corner 係我哋自己搵人做，而cocktail就係酒店負者既。我哋當日其實已經遲咗去setup，而我記得當日真係好亂，好亂在賓客到咗，佢哋見到Candy corner setup 緊就去囉糖食，但係cocktail 嗰邊就無嘢俾賓客飲。可能係酒店以為要等candy corner準備好先serve 飲品，總之就係記得當日嗰個位有啲亂，對啲賓客唔係好夠細心。 我哋係酒店出門既，間房好standard，無咩特別setup俾我哋。而我結婚之前睇過佢哋啲promo係話有茶杯茶壺提供既，但係到咗我係酒店話無之後，我再打俾Cindy，佢就又答我話無提供。好彩我自己都有準備多套，當日okay，但到咗夜晚去到Ballroom又見到佢有提供。其實當日都係得我一場，唔明點解會話無提供。 最後都係希望Cindy可以靈活啲，問佢有啲嘢唔啱可唔可以換另一啲嘢，佢就話可以，加錢囉。其實邊個唔知加錢就得，仲加上我都係因為我老公搞event有用過呢到先返嚟，唔好成日顧住生意，要平衡一啲會好啲。所以當日知道唔係Cindy跟我個心都定啲。