我地一心就想喺尖沙咀度擺酒，因為覺得對啲賓客會方便D。我地睇到Hyatt Regency就覺得不論係場地大細定係budget上，都好吻合我地想要嘅，就揀咗佢。

佢地service都好好，所有sales都係好有禮貌，好nice同好細心，而且真係幫到手。當日聽返賓客講，個個都讚佢地staff好有禮貌，同埋D嘢食好味。我細佬嚟緊結婚都揀埋係Hyatt Regency度擺，因為真係好滿意佢地整體service～

HYATT場地好靚，走Modern路線。不過confirm咗單之後嘅銷售同事就比較甩漏，唔算好responsive。有時啲問題可能要重複再問，又要再追問佢有無update先會覆返。其實新娘子都係會比較心急又會擔心啲細節，所以真係想佢覆快啲。 另一方面係佢哋好多嘢都企得好硬，好似婚禮前先可以confirm可唔可以早啲交場，基本係6點先交場，佈置上面真係好趕。Confirm之後我都有問下佢有無嘢送，但佢哋真係完全真係跟package，紅白酒之類都唔會再送。最後好似都只係upgrade咗2個枱花俾我哋。其實無嘢送的話我都明白嘅，但如果佢回覆時比較感覺有落力想爭取下，會好過直接同我講policy上係無嘢幫到我。 不過除咗以上2樣嘢，HYATT嘅地點同場地都真係好好，又靚又方便。食物質素方面都好好，啲賓客都有讚話係去飲宴當中食過數一數二嘅好味道！