我哋場地佈置係揀咗Jamboree，係喺Facebook見到嘅。嗰位負責嘅同事叫Jill，回覆各方面都好快，始終我哋係新人，可能有啲行內嘢唔係好熟，佢都好幫得手，又會慢慢介紹俾我哋，好肯花時間同我哋商量。 我哋係要求要兩個大嘅英文字，有一間叫JNC就要$40000，好多其他公司都好貴，於是就揀咗Jamboree。 香格里拉本身裝修比較古典，有好多紅色咁，佢哋整完之後冇咗份俗氣，又做到我哋要求，好似一入去嗰度影相地方會影到後面個背景，於是我就索性叫佢哋封咗後面。 佢哋好多design都好靚，好似有LED燈打落啲字後面，有好立體嘅後果。另外時間控制得好好，我哋12點攞場，1點幾已經set好場，之後清場又係俾好多時間我哋，整體都好滿意!