香港文華東方酒店
Mandarin Oriental, Hong Kong
5
香港香港島中環干諾道中5號
2522 0111
中式婚宴
西式婚宴
證婚典禮
最新評論
整體滿意度
5
過濾評語:
Sscheung2
5
精選評論
服務 / 婚宴日期: 2017.11.05      
當初我哋好急咁搵地方,知道11月喺旺季,我哋又比較鐘意懷舊同經典啲嘅地方,就決定去文華。我哋一共擺咗2晚,第一日擺朋友就約160-170人西式,第二日就主要喺老公嗰邊嘅親戚,擺中式。

成個wedding experience都好好,由first meeting到menu tasting都被細心照顧。文華嘅Wedding fair唔會好似其他嗰啲酒店咁好多人去,而係invite only,所以serve每一對新人都好認真!當時serve我哋嘅係Koey,由entrance到試餐前小食,再睇set up,仲可以去埋文華嘅chocolate room。呢度要提提文華啲朱古力咁好食係,因為無外判出去,全部喺自己制作。到我哋後來做Menu tasting,我諗住會喺Mandarin bar & grill西餐廳嗰度試,點知Koey 專登安排咗喺Krug room度試。於是,我哋2個人就坐喺可以容納12-14人嘅香檳房度試餐。由於間房喺可以望到廚房,所以我哋喺睇住佢哋製作個4-course menu,而每一道菜嘅chef都會出嚟同我哋研究plating。例如有一道菜,我哋覺得隻豬咁放好奇怪,chef就即係落手去再擺,成個過程大家一齊合作,成個經驗都好特別。Head chef都有出嚟同我傾吓覺得味道如何,感覺真係似vvvvvip咁~!而且呢個Tasting係唔使額外俾錢,因為喺我哋擺百幾人嘅confirmation tasting嚟。

至於hall嘅安排上,我哋開頭都逼得佢哋幾盡,要佢哋試無做過嘅set up。因為原本只可以放96人,喺一排好長嘅枱喺hall中間。我哋覺得張枱嘅闊度令啲賓客傾計,就想啲枱分開變成2排枱,咁就可以坐多啲客人,我哋又可以喺中間march in。Koey佢都話無諗過可以咁做,但最後出嚟效果好好!到我哋march in 時,兩邊啲朋友都起晒身,我哋就由hall頭行到尾,場面係好靚!食物方面,佢哋都有俾返feedback同影返相俾我哋睇。例如頭盤我哋講過唔想太白色想加啲edible flower,隻豬就唔好咁鹹之類,佢哋都全部有跟進。中餐嗰邊都係咁,我哋有提出想某道菜燉耐啲,同條魚覺得唔夠滑,佢哋都好有認真咁跟進,2晚啲嘢都好好食!每位賓客仲有文華嘅朱古力做wedding favours!整晚嚟講,唯一係有朋友唔係太搵到我哋個hall喺邊,去到前枱問人時被叫佢哋自己去睇,覺得服務上有點美中不足。但樓上banquet hall服務就真係一流。

當日酒店房裡面都好細心安排,仲送咗personalize wedding luggage tag俾我哋做wedding gift。

另外,過完第一晚之後又可能知我哋好攰,送咗啲精華素俾我哋去補一補皮膚,真係非常細心!到我check out嗰日又送咗spa 俾我,真係much more than I ever asked for the wedding!! 閱讀更多
M&L
5
精選評論
服務 / 婚宴日期: 2014.12.20      
我地有上網睇過啲package既,又有睇過Grand Hyatt, Conrad, Marriott, Harbour Grand,Langham, Marco Polo 而都又諗過Four Seasons 同 Ritz Carlton,不過呢兩間真係太貴啦。

其實我地都主要想搵間好食既。我地自己上網搵check咗文華啲資料,因為發現佢好少參展。但後來又見佢參加婚展,但就唔覺佢係婚展有平到喎,根本無平過。我哋本來由一個叫Cheryl Mok既經理負責,因為我地好早就book咗,後來佢哋人事調動轉左呀Carol,過程都smooth既,服務都好。

當時confirm咗有安排試菜,而佢哋係只包唔駛全圍上既菜式,即係無魚同無雞既。試菜係唔包酒,但因為我地想試晒所有菜式同埋酒(因為想知道啲house wine 得唔得)。所以除咗條魚之外(因為話如果要試埋魚既話要多收$5000!),加咗啲錢就連酒都可以試埋。

我地擺左20圍,個場幾好,唔洗點整decoration,佢包backdrop同stage既牌。On day 當日對我地好好,佢哋當晚會熱番啲食物送上房俾我地。整晚亦都一定有一個同事跟住我地,但呢個同事有時係會轉其他人既。佢哋啲permanent staff 係ok既,但有一期個橙衫職員踩咗我條裙,踩到我直頭行唔到,總之就係一時黑衫幫我拉裙,一時又橙衫幫我拉裙,而橙衫一拉裙就會踩到我條裙。

我地準時開始,八點已經食緊,初初上菜好快,後期好慢,上完魚之後停左好耐,食到11點幾,中間我地只因為敬酒,要求過一次停菜。但老實講,食物比想像中差,但好食過其他地方。乳豬比起試菜既時候有出入,因為試菜既時候我好記得佢哋係片走晒啲白肥肉,一啲肥都無,好乾淨!但係當日就片得唔夠乾淨,而如果我哋主家席都留意到既話,即係預咗賓客都唔會片得好乾淨架喇。鮑魚ok既,其他都okay。我地試菜同佢地講邊啲鹹,邊啲淡,佢地最後都係有做到。

建議新人要了解temporary staff 有幾多人,同埋一晚有幾多人serve。要問清楚係一對幾多檯,起碼一個人睇一圍臺。同埋要清楚當晚既流程。酒水、麻雀、泊車幾多小時,要同酒店傾清楚。因為酒店6點半後先有泊車優惠,佢哋話酒店本身車位少,我地又早開始,所以用唔到。 閱讀更多
聯絡資料
2522 0111
mohkg-catering@mohg.com
最新優惠
聯絡商戶