我係喺婚展搵到既，我prewedding同big day都係佢，prewedding ok，但big day一般。最主要想講係跟我既staff態度既問題，佢主動性好低，好多嘢都要我主動問，又覆得我慢同好似hea覆咁，好似整video，佢好多嘢都話唔係佢整，所以佢又要搵個攝影師，然後又拖我幾日！每個人都有個跟自己既case既sales，suppose佢應該好熟悉成件事運作，但佢又好似唔係喎，佢表現到好似新入黎咁，我作為新人當然係無乜經驗，但好似佢仲知得少過我！然後我問佢video應該點，佢反而叫翻我比demo佢睇，然後佢一黎比得一個款我睇，好似唔prefer我再加嘢，所以我覺得佢地所有新人video都應該係同一個sample copy出黎！乜都叫我自己搵自己做，好唔helpful，同埋我Ｄ問題已經係一個月前問，然後佢就拖，去到2星期前先答你，所以想改都無時間，好似迫你接受咁！

係去會展途中有人派傳單比我，後尾有個姐姐比張傳單我地話免費帶我地入去，咁我地就join左！一入去就去moment of love個booth先，睇左相真係幾靚，其中一輯個地方同影法我都好中意，咁我就話可唔可以要呢個攝影師影，佢地話ok!又話如果覺得唔啱，可以6個月內全數refund，咁所以就join! 後來上moment of love，睇完Ｄ相，我男朋友都ok！影當日，真係影得翻之前比我地睇個種style，真係好犀利，我地個photographer叫Mars，係台中影個度覺得個場唔ok，好亂又有爛地，但原來影出來係幾好，我地又去左青境農場影，張相影出來可以無晒地下Ｄ羊既黃金！執Ｄ相都surprise地靚，仲有個化妝師真係一流，我皮膚會好易出油，又不停換頭補妝換飾物，個化妝師無離開過我半步，又幫我印汗，我講笑同我老公講，10年後要再影過再幫襯佢！出來既相簿都非常好！其中最難忘係係香港試衫個時，以為佢地個location係工廈所以驚中伏，Ｄ staff好幫手，婚紗選擇好多，每個staff都可以同我地玩得好埋，不停氹我地笑，相處好舒服！