My Dear Floral & Deco
4.1
最新評語
整體滿意度
4.1
過濾評語:
alanb
5
精選評論
我場地佈置搵咗My Dear Floral搞,個老闆叫Gary,好Flexible。我開頭本身諗住淨係要張地氈,後來就想佈置埋個reception table同擺相張枱、做埋蛋糕枱嘅裝飾、做個welcome foam board,再包下啲相架。本身淨係要地氈佢話收$1600,我問佢加咗咁多嘢要收佢幾多,佢就答我$200…
我場地佈置搵咗My Dear Floral搞,個老闆叫Gary,好Flexible。我開頭本身諗住淨係要張地氈,後來就想佈置埋個reception table同擺相張枱、做埋蛋糕枱嘅裝飾、做個welcome foam board,再包下啲相架。本身淨係要地氈佢話收$1600,我問佢加咗咁多嘢要收佢幾多,佢就答我$2000就搞掂!我本身以為係再on top再加多$2000,點知佢話係total $2000就搞掂,我聽到個時都「吓」咗出嚟! 本身呢個價錢我都冇太大expectation,但後來張地氈出嚟個效果真係唔差。咁佢都坦白講出面有啲公司會收你$9000,用一張全新嘅地氈,不過其實我覺得地氈reuse都唔係大問題。 唯一要改善嘅就係之前俾咗啲reference佢,佢亦都影低咗啲相keep咗record。但臨結婚前兩個星期,佢出咗啲圖同design比我哋睇,出嚟成個tone同我上去揀嘅有啲唔同,而且個名又串錯咗。我諗可能係佢太多生意,所以有啲遺漏。之後佢再send返個update比我,我就見全部嘢都改返啱,所以個問題其實都好minor。到big day嗰日,我覺得佢現場擺出嚟嘅嘢同個draft都有九成似,真係幾滿意。
場地佈置
Emil0428
3
精選評論
我喺Facebook度搵到呢間公司,查過forum都知佢係比較新嘅公司,但見佢啲reference係走簡約風同埋覺得同自己嘅品味比較似,就諗住都試一下。佢哋都唔算平,我覺得比起其他公司都貴約20%。

佢哋一開始都講咗會Big day前三個月先會開始Design,但我個人就比較心急,所以confirm前我已經問佢哋可唔…
我喺Facebook度搵到呢間公司,查過forum都知佢係比較新嘅公司,但見佢啲reference係走簡約風同埋覺得同自己嘅品味比較似,就諗住都試一下。佢哋都唔算平,我覺得比起其他公司都貴約20%。 佢哋一開始都講咗會Big day前三個月先會開始Design,但我個人就比較心急,所以confirm前我已經問佢哋可唔可以早啲開始喺四個月前就開始design。我見佢哋都同意之後我就confirm,之後我就上去佢哋公司同佢哋briefing。大約2個星期左右,我諗都差不多有draft睇,就問佢哋有無啲嘢睇吓。起初我主要係用facebook chat同佢哋溝通。但好多時我問完啲嘢,佢就話佢去問吓同事先,然後通常就無回頭覆我,又咁等多咗幾日。到終於有first design睇,點知就同我哋喺佢哋度買嘅帖款差不多一模一樣。我哋係喺佢哋度買咗佢哋design嘅帖款,但backdrop就係custom made款。之前同佢傾嘅時候我仲整咗個power point reference佢,仲特別額外俾錢,就梗係想要個新design!我即刻反映返咁唔得喎,佢就話個designer誤會咗,以為係想align返成件事,結果就要再等過新design。期間我都再俾咗好多reference同色板佢,但點知我俾咗粉紅色佢竟然出咗藍色俾我! 到後期,我就要佢俾個contact我,等我可以搵負責我張單嘅人嚟問,因為次次facebook chat度問都唔知同邊個講緊嘢,又話要搵同事check check先。之後先終於開咗個Whatsapp group嚟傾。其實原本佢係話可以無限次改,但基本上每一次改都要1個星期先再覆,所以都係limited嘅次數。去到差不多尾嘅時候,有某個design我見到好似有啲位白咗,就自己用啲software補返話希望佢做到類似咁。點知佢覆返我話一郁嗰度就成個layer再做過,再2個星期後先可以改完。我心諗一開始出個design都1星期,點解補返嗰個位反而要2星期呢?!但係Designer就企得好硬,話係要改2個星期架喇。嗰時2個星期後就已經係到production時間,所以如果真係要改2星的話即係到時點我都要硬食。我又怕同佢反面佢哋唔知會做咩,於是就打電話去用軟攻,講自己真係為咗呢單嘢好唔開心。之後佢就話再幫我去傾傾,最後就過咗幾日就改咗俾我。 其實結果出嚟大家都覺得靚,但係個過程就真係好辛酸。佢哋啲嘢真係靚,但唔知點解真係極不responsive。我之前睇過都有人話唔知佢係咪人手少,所以唔係太應人。
場地佈置
更多優質選項
攝影
4.8
攝影
4
攝影
4.6
攝影
4.2
攝影
4
攝影
4.6
攝影
0
攝影
4.4
攝影
4.6
攝影
4.3
攝影
4.8
攝影
4.8
攝影
4.8
攝影
3.9
婚紗禮服/媽媽衫
4.7
婚禮化妝造型
0
最新優惠
聯絡商戶