我搵咗My Memory影第二輯pre-wedding，本來想搵Real Gallery，但係佢啲期超級爆，點樣book都冇期，之後睇My Memory嘅style都有啲似嗰間喎，咁就開始問佢幾多錢。佢哋嘅sales服務係okay，上到去見嗰個人係非常好，但化妝師態度就麻麻哋。 我自己都係做新娘化妝師嘅，可能每個人都唔同啦，但係首先佢當日係唔同我傾計，係 "一句嘢" 都唔同我講，一坐低就化妝，就算我同佢講番我皮膚狀況點點點，佢都唔係好應我架喎。我自己就唔係咁，我會同個客講好多嘢嘅，如果個客肯應你我就會keep住化吓講吓咁，咁佢完全冇同我講過嘢，態度都幾冷淡。 另外就係到影pre-wedding嗰日，我買咗鮮花做頭飾嘅，我就同個化妝師講：「我帶咗啲鮮花想襯返夜晚條裙。」，我自己因為都係做化妝都識做配襯，所以我係買咗啲鮮花，朝早佢冇用到，咁都okay啦因為都係影casual，我著條好casual嘅裙咋嘛，都唔係婚紗，晏晝影婚紗嘅時候佢有用嘅，之後到夜晚我有一條係紫色嘅裙，我買咗啲紫色玫瑰花配襯一啲花仔嘅，佢就話: 「咁唔用鮮花啦。」，我就問佢:「吓唔用鮮花，咁唔用頭飾呀?」，佢就話佢襯咗個頭飾俾我。我條紫色裙係紗嚟嘅，佢就襯咗個紗嘅頭飾，我就同佢講我唔鐘意個頭飾，我覺得啲花好 “娘”，個化妝師居然答我：「唔得架喎，你唔可以唔戴頭飾架喎。」，之後我就話:「但係我唔鐘意個頭飾喎。」，佢話:「咁夾後啲啦。」，我極度唔滿意囉，咁個客唔鐘意又準備咗頭飾嘅時候我唔明點解仲要用你嗰個頭飾，我覺得鮮花點都會靚過佢嗰個假花啦。 仲有就係當日晏晝影婚紗嘅時候，太陽好猛，影相嘅時候太陽射到我隻眼我係會不停流眼水，之後我同埋攝影師都冇帶紙巾，正常如果出緊job既化妝師都應該會帶紙巾，就算化妝棉乜都好啦，佢係冇嘅，淨係袋盒粉，之後佢就直情用個粉撲去幫我 ”印“啲 眼淚！我覺得呢個行為真係好奇怪，化妝師點可以冇紙巾？？ 當日記得係好凍，係十二月廿幾號，香港第一日凍，得十一二度，我哋上山又落海當然就更加凍啦，咁佢係長時間唔見咗人，就算你去邊度都好，佢都唔知點解無啦啦唔見咗人。我自己做開就會充當埋助手，攝影師一放低個相機就會幫個新娘披返件衫，又或者攞啲嘢俾新娘。而呢位化妝師就乜都冇做，總之就係唔見咗人，最後幫我拎外套竟然要攝影師個助手做，仲要係男人嚟，個男人披件䄛上我個身度，我都覺得好奇怪，點解唔係個女仔化妝師呢? 總之當日全日最不滿就係個化妝師。 不過佢手妝同set頭都係okay既，但係就有啲趕收工feel。我哋當日講明係影到八點，攝影師就喺中環影到七點九左右，我諗佢八點預自己番到studio掛，之後攝影師一影完佢就好極速咁拆哂個頭，當時攝影師見到佢係咁拆都即刻stop佢話:「Sorry呀我仲有幾個shot要影架！」，因為佢漏咗影我哋自己帶嗰啲道具，就話影番俾我哋，之後佢同個化妝師講:「你可唔可以幫佢夾番個頭呀?」咁樣，我係覺得個化妝師唔得，係趕收工，勁怪唔知想點，我自己感覺就係「好想收工喎個化妝師」。我自己做化妝師都唔會咁，個客話走都唔會敢走啦，就算OT都要架啦，人哋都會計番錢俾你。Anyway 啦，最後啲相都okay，都係我想要嘅質素嚟既。

Highly recommend Oscar, 我地尋晚拎左big day d 相，Oscar 影相一d都唔行貨angle好特别好有心思，仲有eddie同拍video嘅阿堅，佢地三個喺big day 當日全日都勁好態度，又識搞氣氛，所以全部相影出黎大家都笑得好自然！最記得係到左好夜送完客我仲有幾個好朋友唔捨得走，eddie 唔介意做夜d都主動叫我地上台幫我地影合照。 我一定會叫我d朋友幫襯你地:)