我哋係去婚展認識到 Rosy Décor嘅，比較咗其他間都覺得佢哋嘅性價比最高，溝通嘅時候佢哋都解釋得好清晰，問咗我有啲咩要求，之後再俾返啲參考嘅template我睇。所以最後成個會場嘅佈置都交俾佢哋負責，姐係backdrop同檯佈置嘅package。開會傾嘅時候佢哋都已經好熟個場地，知道嗰度有projector，所以擺唔到花，又知道場地size可以點樣擺個板，經驗好豐富👍🏻。之後我有問題聯絡佢哋，佢哋都覆得好快，仲要打埋電話俾我，因為驚打字解釋得唔清楚，好負責任。之後佢哋都好快整好啲材料，次次都係佢追我個進度，好上心😊。改版嘅次數都係無限嘅，不過我都唔係好多次，因為佢哋都已經做得都好好啦。Big day嗰日交通有啲唔方便，所以佢哋十二點半都已經去現場stand by，因為無咁早交到個場俾佢哋，佢哋就喺度等咗幾個鐘，我哋都好感謝佢哋，真係太貼心啦🥰。最後啲賓客都有讚啲佈置好靚，我哋都好滿意。佢哋唔同風格都有，又會因應客人要求做，唔會好死板，所以任何類型嘅新人都會適合佢哋😆。

一開始其實搵左另一間Deco公司嘅，但係果間公司令我覺得比人呃咁，之後再係婚展搵到Rosy Décor，佢比我嘅感覺完全相反，我覺得Rosy Décor好老實，完全冇隱藏消費，所以就即刻轉用Rosy Décor。😄之後同佢哋開會，佢哋都解釋得好詳細，而且我問佢哋問題，佢哋都答我好快，唔會有答唔到嘅情況。Big day果日Angela都有親自到場，比我感覺到佢真係好上心，好清楚我哋嘅要求👍。個佈置都係好符合我同老公既expectation👰🤵，佢哋好清楚我哋嘅idea,而且follow up得好好❤️。一開始佢哋會比啲template我哋揀，但係啲sample可以再比多啲選擇，之後我都有係Instagram搵左啲圖比佢哋睇，佢哋都整到出黎，仲會比好多專業意見，例如我嘅main backdrop想要兩個layers令到會有多啲立體感，佢哋會分析完再話我知，用咩材料會最好，吊燈咩長度會好，用咩花會襯啲。其實無論好定唔好佢哋都會照直咁講，同佢哋開會嘅過程好舒服，感覺到佢哋好有誠意，而且價錢比Instagram果啲店舖平一截添，絕對物超所值。😆其實Rosy Décor絕對係有能力同技術去做到好靚，同埋佢哋肯去嘗試整到個佈置睇落好高貴，唔會整得好假，好適合啲有限budget而又好有自己idea嘅新人😉