雖然尖沙咀好多酒店，但其實對我哋嚟講都唔喺好多選擇。我哋得半年籌辦婚禮，因為香港人通常都會一年前就book定酒店，所以我哋喺日子方面相對就冇乜選擇。另外，因為親戚朋友大部分都喺九龍區住，為免佢哋過海就冇揀港島，加上有啲親戚又唔想喺地牢basement擺酒，所以可以fit到三十幾圍、九龍區、唔喺basement、又有位嘅話，其實就唔多選擇。上網睇返其他新娘嘅feedback話Sheraton唔錯，自己亦覺得幾好，所以就決定咗用佢哋。 一開始嘅sales喺我哋未決定用嗰陣都幾熱情，但之後可能因為佢將會離開公司，所以態度就唔多積極。之後個Sales真係走咗，我當時真係擔心交替上會有影響，到後來轉咗另一個人負責，新嗰個同事服務就好好，亦冇我原先擔心catch-up唔到嘅情況出現。 我哋擺32圍，亦都親身去過睇咗個場有幾大。本身睇過個場都有有諗過會唔會太逼，問酒店佢哋就話佢哋個場本身容納大概30-32圍都係okay既，當時我哋就諗既然within呢個range就ok啦，所以就決定繼續用。結婚嗰日我敬酒都覺得行既位置真係唔多，而親朋戚友俾我嘅feedback都話個環境幾逼。其實本身做個stage都已經驚唔夠位，都唔敢整太大喇，但估唔到最後都仲喺逼。自己當晚就無乜點食飯，聽賓客講就話質素都唔錯既，自己有食嗰啲就同試菜嗰陣個質素都算差唔多，但就有老人家投訴話食物唔夠熱。 有個妹妹好貼心咁幫我整裙同跟出跟入，我覺得佢好好，因為個場逼，敬酒條路都幾窄，而我條裙喺好窄又有尾嗰啲款，所以當我敬酒一興奮就會成個人向前彎，個妹妹就會扶住我條腰令我不致於成個人趴咗响枱到！我認為好多人或者事都喺要睇呢啲細節位先知做得好唔好，而呢位妹妹我就好有印象好想多謝佢。另外有個floor manager都會確保每樣嘢順暢，佢個人都喺好好，好有交帶。 想提返就大家就係婚禮開始之前既會真係盡量要早啲開。我哋其實一早已經決定係19:30開始迎賓，但係酒店當晚嗰位in-charge就成18:45先同我哋開會。始終當晚好多細節要go through, 決定好之後又要同有關既兄弟姊妹講番，make sure everyone is on the same page。例如當晚傾rundown，講到證完婚之後張枱點處置呢？應該立即就世紀之吻，定係搬走張枱先吻呢？定係次序要點調呢？嗰刻其實有好多呢啲細節位係rundown唔會全部講到而係需要傾既。所以當時個會好緊逼，又要處理呢啲事項，真係令我成個人都好急，如果可以早啲傾，或者之前响電話到先傾咗然後到場再confirm就會好啲。