我喺Simply Love 租咗一件婚紗同敬酒晚裝，上網睇過佢哋嘅款式，現場睇選擇好多，好多歐美款婚紗，幾有設計感，晚裝選擇都好多😚佢哋嘅試衫房好靚，舖頭入面有兩間試衫房，有三面鏡，感覺好好，每試一條裙都會用一個professional嘅相機影完即刻whatsapp我，好好！不過佢有部分裙係需要加錢先可以揀，我自己都有加錢揀，如果佢可以清晰列明邊啲款式要加錢就更好。試衫房入面有張梳化可以比朋友或者屋企人坐，空間感好大，好似我喺台上，佢哋喺台下等我換衫咁。啲衫嘅款式好多，質素、Condition好好！

我覺得佢地既婚紗係有design，唔係普通、common款，而係有designer設計，於是我上去睇下實物，感覺上實物同睇相有少少出入。因為d相係搵左外國人model影，實物好bling bling好sharp，但相入面就show唔到，或者相好鮮色，但實物好淺，我覺得睇實物係靚過睇相😂試完幾間後，只有呢一間比到眼前一亮既感覺我，質素好好、好乾淨，lace邊好靚😍我鍾意婚紗拖尾有lace，但有d婚紗舖既拖尾就有少少污糟，呢間就唔會，而且佢地講明唔會外借婚紗影pre-wedding，只會借出比Big-day，所以唔會好污糟👍🏽！但係可能係我比較細粒，之前婚禮前一晚fitting時改過條裙，但婚禮當晚又覺得有少少鬆，搞到我有少少驚，唔敢郁來郁去😥Service 方面，其中一位職員Crystal好friendly好好傾，唔會hard sell我，好清楚講件衫有邊d位靚，著上身邊件會好睇d，咁啱佢結婚時又係喺我揀既地方行禮，所以佢話行禮條路好短，唔需要揀大拖尾既裙，中拖尾就得，意見好專業！每個職員都會問新娘子喺邊到行禮，再比意見揀咩長度既裙，最後我租左一件婚紗同迎賓既晚裝😚