我揀咗個成個都係玫瑰嘅花球，但我無諗到個花球謝得咁快，因為我只係得半日wedding，但到下晝嘅時候Ｄ花已經謝晒，想之後用嚟整乾花都唔得。我係wedding前一晚拎個花球，佢哋都比咗營養水，所以我無諗過會係謝得快成咁，我老公嘅襟花仲嚴重，喺接新娘嗰時已經謝晒，所以係有Ｄ失望。雖然佢哋Ｄ花嘅質素就真係差咗Ｄ，但佢哋態度係幾好，買嗰時我去門市度揀咗好耐，佢哋都有好耐心俾唔同意見我。

我喺婚展join佢哋，佢哋實鋪喺金都。其實當日喺婚展好多人圍住佢哋，我問佢哋係有答，不過因為太多人所以答得唔詳細。不過之後佢哋都有搵返佢哋follow up。 我哋用咗$8,000整個台，一個個大花球，大名牌，有白色哋毯，燈柱等等。佢哋佈置出嚟係靚，結果都幾滿意。