我係7月結婚嘅，就喺結婚3個月前先開始搵deco公司，咁我哋去行婚展問咗幾間，幾間都唔係咁啱，一係時間會有啲炆水一係就價錢唔係好靚仔，Sweet Wedding嗰日都有擺嘅，佢哋好爽快，直接講清楚咩係唔包嘅，咩係要加錢嘅，好明碼實價，同埋都好快覆到個期俾我哋。因為我都知我哋係比較遲搵，有啲公司就會質我哋或者推三推四，我好推介Sweet Wedding嘅原因就係佢哋好爽快，得就得唔得就唔得，都好熟手，我哋要嘅嘢佢哋都做到😊。傾嘅時候佢就俾咗好多相我哋睇，我先生就有啲idea話想做個六角形咁，佢哋都話好啊可以做啊，都會鼓勵我哋去嘗試，如果我哋想整啲新嘅logo咁佢哋都可以有多啲portfolio，所以佢哋係好welcome嘅😆。雖然佢哋細細間係喺金都嘅，但係佢哋真係好有心，整出嚟嘅效果真係好靚😍，價錢都好抵，佢都同我哋講standard係呢個價錢，要加大就要加錢，咁我哋唔加佢都無問題，好爽快唔會hard sell嘅。傾完之後佢哋出稿俾我哋睇都出得超快，好高效率，因為嗰日同我傾嘅應該係老闆，咁老闆就最清楚啲嘢啦🤓。我係擺lunch buffet嘅，酒店同我講幾點可以入去set場，Sweet Wedding嗰邊就覺得個時間有啲遲，之後叫我俾間酒店嘅電話佢，佢都真係同酒店傾掂可以俾佢哋早啲入去，最後時間所有嘢都預得啱啱好👍🏻。

我覺得Sweet wedding decoration既裝飾係靚同新淨，同好多款揀。同埋佢地既服務都好flexible, 有提供DIY package, 即係我地淨係買佢既物資，兄弟姊妹幫手裝飾。我地買咗呢個set裝飾行禮既教堂，啲職員好細心咁教我地要點用啲材料，整花球等等，時間又就我地方便我地去攞啲物資，用完啲物資之後佢地仲派職員黎運走物資，唔洗我地煩點樣還俾佢地👍🏼。而晚宴就係Sweet Wedding Decoration職員幫我地佈置。有個店員係負責同我地傾，佢態度好好，但係傾完出黎既設計圖同當初傾好既有啲出入，例如係台上面既裝飾同花瓣既顏色等細節佢都有啲甩漏，要我地同公司反映，由另一位同事幫我地處理返。其實結果成品都係我地想要既嘢黎，但係過程就有少少錯漏。但係佢地個backdrop真係好靚好grand, 質料都好好。😍