呢間鋪頭喺金都，一上樓梯就見到，我搵佢整鮮花球，我覺得完全唔得，整出嚟同我心目中係有啲偏差，而且啲花真係好殘！我老公有兩個襟花，兩個又係殘到不得了！反而其他主人家襟花就冇問題，因為都係普通玫瑰花。但係個花球我真係好失望，真係唔靚，影相出嚟都睇到好殘！ 拎嘅時候啲喺個盒入面，拎花嘅時間又晏。我big day前一日已經要拎衫，又忙，個花球又要我四、五點之後拎，我又要趕住上頭。我拎花又急趕，佢個花球係放咗喺大盒入面，我都唔多睇到，同埋咁夜先拎，無論靚與唔靚都係要拎走。 因為佢哋當時俾我睇嘅花球sample（相）其實係人地場地佈置整咗檯花嘅球，係靚嘅，但係做出嚟唔係唔靚，不過係殘。啲花殘我點拎呢？所以出咗門之後我都冇拎佢咁制。而且佢哋都幾貴，係咁加錢！