同事早我地一年結婚，就介紹咗The Stage俾我，話佢地服務係好好。我去了解過之後都覺得幾好，佢地D細節嘢都會好detail咁send返俾我地，唔會好似其他公司咁...好求奇咁send。同埋我地都比較過個價錢，就都係決定搵The Stage。我睇完佢地嘅作品都覺得好靚，就同佢地講想要類似嘅感覺，都係比較溫暖D嘅style。

衫，我都响佢地度揀，都有好多可以選擇，同埋呢D款式都係值呢個價錢。我當時揀婚紗揀到唔知邊件好D，我就問攝影師。我知出面嗰D未必會答，或者話你自己鍾意喇，但佢真係會俾意見，幫我分析下邊件會著得好睇、瘦D同高D。

我地喺香港影，去咗香港大學，同埋西環海旁度影，都係我老公揀，因為我地睇過佢地D相，都覺得呢D地方影得好靚。其實我地影pre－wedding都係好緊張，但係個攝影師實在係好好笑😂，太好笑到連我D緊張都無咗～！我都搵埋佢地幫我big day攝影，佢地個配套好好，好有heart💖，希望佢地可以keep住👍🏻💪🏼！

我地初頭淨係諗住搵Kenneth 影 Big day，不過後尾再揀pre wedding嗰時睇佢地同另外一間，見另外一間就係超級貴，所以就搵左Kenneth影埋pre wedding。 我地睇完佢D相，佢影夜景好靚，我先生都識影相，都有同我講話夜景係最難影，如果影得好，就真係好勁！而且我地覺得佢捕捉人個神緒同埋啲燈光都控制得好好，所以我地都好信任佢。 開頭佢地都有遊說我地去布拉格，但係我地睇完D相，覺得完全唔係我地style，又城堡又公主feel咁。之後我地問問吓，先知原來嗰度得澳門咁大，變左個個都喺最common嗰啲地方影，我地就更加覺得布拉格唔啱我地，唔想影得咁樣版式。同埋我地本身真係好鐘意日本，一年最少都會去一兩次，而且我地係真係會行富士山個啲，所以就好想去東京同埋影富士山度影相。 我地問Kenneth有無去過東京影，原來佢係從來都無去過，只係去過京都個啲。對我地黎講其實佢無去過係好事黎，因為我地都覺得如果以前影過，個攝影師就未必有新意，反而去啲佢未過嘅地方，佢就會更加認真咁去諗要點樣set先影得最靚！ 去到日本嗰邊，我地就負責包哂食宿同埋plan，我老公就揸車。佢幫我地搵左個幫開明星化妝嘅化妝師一齊去，啲妝我都好滿意。四日三夜裡面，我地唔係影相就係食野，又晚晚都去浸溫泉，成班人都好好玩，真係好開心！我地要求個啲野，佢地都做到，又會帶動到氣氛，令到我地成個過程都好開心，似旅行多過去做野！ 啲相出到黎效果真係好靚，我地都好多朋友話靚到似poster咁！連Kenneth自己都話我地其中一張夜景係佢影過第二張最靚嘅相！