W Hong Kong 個場地好好，成間酒店都好stylish，好chill又好有型。同埋佢個樓底係超高，好grand，所以我地都好鍾意佢個地方。而且位置喺西隧口，對男女家嚟講都好方便。本身佢已經係我地first prioity，咁啱又有位，所以我地就已經即刻落訂。

我地唔係話擺好多圍，20幾圍左右，地方好靚！D食物又係好好味，個個賓客都讚。佢地都話喺呢度擺酒真係幾好。佢地service都好好，成team人都係好細心！當日有一位Manager跟足我全晚，好細心、好體貼！佢好照顧我，D衫同所有野都會幫到我。嗰日我有個surprise俾我老公，佢地成個team係極professional，完全配合到，所以時間係夾到超級好。好開心好滿意可以喺W Hong Kong度擺酒！

我真係要讚吓佢哋嘅服務，特別係婚宴完咗嘅時候，佢哋有幾個人一齊幫我將啲decoration同物資包好，完全唔使兄弟姊妹團去做。因為我自己預咗好多相同花樽仔，唔係deco公司嘅嘢，佢哋就幫我將啲相架入返晒盒，玻璃樽仲特登用泡泡紙幫我包好晒，之後先一箱箱咁送上酒店房。有個幫我執裙尾嘅妹妹好似叫Silvia，我原本只係預佢會幫我執頭執尾、換衫同幫我拎吓裙尾，估唔到佢上到酒店房幫我unpack返晒送上黎嘅decoration！唔單止係咁，啲婚紗、晚裝同我老公嘅幾套男禮佢都幫我放返晒落啲衫袋度執好晒！我真係好意外！！完咗個婚禮刻真係好攰唔想執嘢，有佢哋幫手真係輕鬆好多，好多謝佢哋！