我自己特別鍾意W Hotel，都上網睇咗好多結婚場地，而W Hotel俾我嘅感覺比較新潮啲young啲。 開頭跟開我哋嗰個員工中途離職，但可能佢因為就快辭職，所以冇咁上心。之後takeover我哋嘅人Megan就做得非常好。 其實W當晚嘅同事都做得非常之好，都令我好滿意好放心，我哋都打咗篇嘢去讚佢哋。婚宴當日雖然Megan嚟唔到，但佢之前一路都跟得好足。其實婚宴前一天睇埸時發生咗啲小插曲，係關於場地音響，事緣係我usb入面啲嘢有甩漏，講真其實真係唔關Conceirge 同事Billy事，但佢都幫我聯絡哂婚宴啲同事，夜晚十二點幾都幫我交低啲嘢俾同事，因為第二日就係婚宴。佢啲同事都好快手，最後都搞掂哂，配合得好好。So far個experience令我覺得幾滿意。 成個service我係覺得好好，但係我有啲朋友有反映，因為我個package係特登加咗錢橙汁紅酒白酒汽水任飲。但係好多朋友係唔知有其他嘢飲，淨係斟紅酒白酒，就唔知原來有啤酒汽水橙汁。就算主家席都好，就算飲哂嘢都冇人fill。呢樣嘢我去其他婚宴係見人keep住幫手斟，都係朋友事後同我講返。如果呢一樣嘢佢哋可以跟返緊啲就更好。