我地搵咗謝連輝律師，本身無話指定搵邊個律師，純粹覺得葉謝鄧價錢都唔錯，而且成日聽，成日賣廣告～佢地有比律師片我睇，其實都係想搵個正正常常既律師就ok，同埋謝律師個樣比較親和。價錢方面呢佢地係統一個個律師都係一樣既價錢。因為我首選係想揀男仔，覺得男仔咗律師比較嚴肅，可能都係因為睇得電視多，哈哈！有睇過其他律師同事，有啲搞笑既我又唔係好鍾意，我鍾意啲認真啲既。其實當日證婚我都好緊張，謝律師佢開始證婚之前都有緩和氣氛，例如問我願唔願意做佢妻子，其實我都無想過要我答呢啲問題，但都somehow緩和咗氣氛～個陣佢帶咗個女助手黎，但我覺得個女助手就唔係太細心，因為佢引導錯咗我爸爸簽名，簽咗落我先生個證婚人個欄，但我爸爸應該係簽係我個欄既，其實個助手個下都唔知，我見到就細細聲同返個助手講，佢個下先醒覺，先叫我爸爸簽返隔離，變咗宜家我先生證婚人個欄有兩個簽名。另外本身張結婚證書應該係交比我地伴郎，佢就求其擺咗係張臺度，後來個度既姐姐問我地係咪唔要架，跟住我地一睇，先發現係我地既結婚證書！！不過謝律師本身就好好既～好細心，交換戒指佢都有係隔離提點我應該點戴～～