遲遲唔交貨 我話再唔交貨有下一步行動 佢態度囂張 意思吹佢唔脹

我太太好鍾意繡球花，所以我哋揀咗夏天六月去濟州島影pre-wedding。事前我哋睇過幾間韓國pre-wedding攝影，Ztage Wedding 嘅價錢比較合適，又睇過攝影師影其他新人嘅作品，幾鍾意佢嘅風格！佢地係一間agent公司，主要係靠佢哋同韓國攝影師嗰邊溝通，韓國當地有一位翻譯跟我哋，好準時、盡責。婚紗係韓國studio包埋，去到當地先揀，選擇方面足夠揀到我哋想要嘅野，化妝方面都有人跟住太太即時補妝。拍攝當日落大雨，好彩攝影嘅時候好天，出嚟嘅效果都幾滿意😌！最後有一個環節係我哋自己帶小道具去影相，我覺得可有可無，因為整個攝影時間有限制，只得三個鐘，仲因為當日大部分時間落雨，用咗好多時間移動，變咗最後一個環節得好少時間影相，影唔到好多靚相。個package包埋香港攝影，可以喺中環影一兩個鐘，我覺得一般、可有可無，如果佢可以cut咗呢個環節，價錢平啲就更好😂佢哋又包咗一條婚禮開始前倒數嘅video，我睇完覺得條片係幾簡單，唔知點解要搞咁耐，但佢哋拖咗一兩個禮拜，我係婚禮前一晚去酒店瞓先收到條preview片，上花車時先收到六分鐘完整片段，最後我都冇用到完整片段，用三分鐘短嘅preview片就啱啱好，唔會over run。