我係去韓國影嘅，透過呢個agent搵到韓國studio影，會先比唔同studio嘅相你睇，再幫你聯絡同傾時間，影嗰日就會派個翻譯同架車去我住嘅地方pick up我哋。其實當初傾之前嘅態度都ok嘅，介紹咗2個鐘倒，我知道佢哋價錢唔係最平，佢哋個staff會問我哋係咪concern個價錢，然後就話可以減咁〜我係影咗一日indoor，個妝其實係韓國人化，個㡳妝係化咗好耐，但個妝我覺得好淡好淡，一般囉！而有個姨姨都態度幾好，會幫手我換衫，但好大嘅問題係條裙無整得好，所以出到嚟有Ｄ相睇落去係少少走光，我覺得呢Ｄ嘢係好緊要，因為我係照鏡睇唔到！而揀相就係韓國studio send比ztage，再比我地係香港揀，執相嗰時就傾好咗大相簿响韓國執，其他就真係唔知local定韓國執，出來Ｄ相其實都好靠加effect同濾鏡效果做出來！個package係比晒所有e copy我哋，包30張執咗放大相簿，一幅油晝，但Ｄ紙質一般，佢送嗰本細相簿Ｄ相好差，完全唔清楚

佢係婚展個時就sell好多韓國既攝影相，又sell其中一輯係佢地幫Chilam影，我係book翻同一個攝影師！但最後Ｄ技術好差，全部都係遠鏡影埋去無近鏡，比我地Ｄinstruction又唔清楚，又唔教我地點擺動作，連條腰企唔直又唔提我地，Ｄ服務態度好差，勁多甩漏，燒碟又燒漏，叫佢寄翻隻碟比我又無左回事，個畫框整左幾次都係未得！我無expect d衫又殘又舊，我係覺得比人呃左咁！個妝好普通，個化妝師唔醒目，裙亂左又無擺翻好，Ｄ頭髮跌左落黎又無執，要我主動提！去到俾相，又要三催四請先俾，要追佢先記得俾！執相又未夠班，我手臂可以執到彎，然後叫佢加Ｄ光係幅相，佢加係張相正中間，應該係加係側邊滲入黎，完全係唔知做乜！