我地初頭係俾佢哋廣告promote可以免費試身三次啲package吸引，所以就諗住去呢間試吓。啲staff俾意見都好好，好friendly，而且又會俾額外優惠我地，所以都好抵。佢地舖頭都大，但係可能真係比較旺，頭一兩次去fitting時都無咩問題，到左第三次去就好多人！佢俾ipad我揀住衫先，揀完都要等30-45分鐘先可以入去試。我見佢地同時serve緊好多人，但就唔係好兼顧到。去到第二三次開始，我地whatsapp去約時間，都好難book到，好多time slot都full哂，都有啲失望。係去到最後final fit佢地先真係優先reserve俾我地去試。 雖然佢地好忙同有啲難book，不過佢地啲款式好多，又會keep住update，我都試到尾二fitting先揀定邊款。紅色敬酒衫佢地都有好多酒紅色嘅款，唔使逼住揀返哂鮮紅款。另外我覺得啲staff意見都好專業，試左兩三套，佢就會知我鍾意啲咩同埋咩款最岩我，都幫到唔少。我其實仲搵埋佢地化妝，轉妝都好快，同埋都好有心機化，又會主動補妝。set頭都好靚，Ｄ造型都好多人讚。