我地上網同喺facebook都睇過唔同公司啲評價，見啲人都話錦發唔貴，同埋佢地唔會將啲舊左嘅褂攞尼俾人著呢方面幾好，就揀左尼間。 我之前睇啲人都comment話個老闆娘好豪邁，態度麻麻，但我去到都唔覺得係咁，只不過係比較熱情啫～佢真係好快手好主動咁幫你！佢地款式真係好多，花、傳統或者新式款都有。佢地會睇你年齡，再問埋理想嘅款式係點先幫手揀，啲褂又俾試穿上身衫，條裙就圍一圍黎睇。試完一啲，佢地又會再揀啲類似嘅或者岩我心水嘅款俾我睇同埋試，真係好快手。 另外有樣嘢我覺得好好嘅係佢地都俾落訂，big day前一個月先再尼試同埋俾埋尾數。整個過程都好順利，我半個鐘就搞掂哂！

當初開始籌備婚禮時就已經知佢係老字號，所以好早已經鎖定咗褂用佢哋！我租左一套褂后，真係好新淨好閃！佢地Ｄ褂好多款，price range好多。serve我個嫦姐係老夥記黎，比Ｄcomment都好中肯，聽完我意見就揀左幾套出來比我試，我只係試左兩款褂后就揀好左，你就知佢幾識揀！