我哋第一次入婚展第一間就俾浪漫一生拉住，我哋經驗不足，第一間就俾咗一萬蚊訂去濟洲影，如果再去一次真係會睇定D先！ 浪漫一生係台灣既攝影公司，不過有香港分部。個package係喺香港揀衫然後帶過去濟洲，不過衫既款式唔係太多，女裝都OK，男裝真係好少，所以我哋早咗兩三日去首爾買咗幾套西裝再去濟洲。 去到濟洲，攝影師係台灣總部既人，影得非常好，我哋兩個都唔係太識笑，佢會講笑話引我哋笑。我哋主要影櫻花同油茶花，佢就提早咗一日去D地方搵曬D景點先，當日就逐個景點咁車我哋去，沿途經過D咩景又會叫我哋落車影，最後我哋成功影到好多櫻花同油茶花！ 最後揀相揀左好耐，本身包影50張，最尾買左90張，因為D相真係影得好靚，唔忍心放棄D相。我覺得D相出嚟真係好靚，好多賓客都話靚，但係真係好貴，如果優惠D就好啦！