我係facebook搵到呢間野，入面有好多明星借衫嘅相，我見啲款幾靚，Facebook又有講試衫唔洗俾錢，於是就打去約時間試衫。 雖然本身有規定好似只可以試兩件婚紗同三件晚裝，但後尾就俾我試左好多件，加上即場落訂有折，於是試完就決定左呢間。其實我好怕揀野，因為都試唔到幾多間，而且好多都冇乜分別。雖然呢間偏貴，不過款就幾靚，官恩娜套婚紗就係我果款，晚裝都好多人讚靚同sharp，影相又好睇。 不過後尾想改衫嘅時候就出左啲問題，所以覺得麻麻地。本身揀左嘅衫因為屋企人話唔ok所以想轉，轉左幾次。當初佢地有話唔俾嘅，個語氣都唔太好，臨尾又有push我想我租多件晚裝，但我唔太喜歡啲款所以冇租，自己返大陸做左套，大概幾百蚊，但起碼唔會撞款。 而且雖然一開頭揀左果兩個款唔洗加錢，但後尾再試左啲靚啲嘅款，佢就話因為特別款所以要加錢。唔知點解呢啲服務點都有啲額外費用，除非新娘冇要求，乜野都冇所謂，如果唔係嘅話turn out個價一定要加錢，好似我有朋友另外係尖沙咀租婚紗，最後竟然加多左成皮。