我家姐結婚嘅時候有搵過Riko，但因為家姐結婚改咗期，所以用唔到佢，於是我結婚都試下搵Riko。第一次見Riko都好nice，都係平易近人。佢唔會好Sell，我上去試妝就真係試妝，亦冇特別sell我要高清妝或者咩package，都係按返我自己需要去揀。我都有望過下其他化妝師啲profile，但係真係決心試妝都淨係試咗Riko，始終如果睇profile都真係唔得就試都無謂，反而搵到一個啱就真係要快啲confirm就真。 我結婚之前大概一個月佢就send咗個reminder checklist嚟，問我頭髮要咩色呀，通常要幾吋呀，有咩頭會配咩衫可以事先send定俾佢呀，可以諗定先，又叫我有咩頭相可以send俾佢。佢啲notes都幫到我，後尾我去剪頭髮就拎住Riko send俾我嘅相叫髮型師跟住長度剪，因為信Riko做開，聽返佢意見。我本身頭髮留到好長，都係按住Riko建議去剪。到big day當日佢不但止準時，一打開門都已經好精神！一嚟就幫我整底妝，亦都快手，加上佢成日笑，又keep住同我有傾有講，氣氛好輕鬆，好開心！ 當日我喺church行禮，Riko 可能坐得比較後所以睇唔清楚我當時喊，到我影咗幾張相 Riko 先過嚟補妝，我當時問佢係咪補得太遲，佢都話其實個妝okay呀，唔駛擔心。其實始終自己當日都真係好緊張，心想如果可以即刻補到妝就好了。 都想補充其實我真係好鍾意Riko化嘅妝，因為我比較鍾意啲 natural 啲，自然啲嘅樣，而佢幫我化得真係好自然，我係我想要既style。之後我都有諗過跟佢學下化平日嘅妝，因為我留意到佢化嘅妝可以將我一啲缺點修飾好，所以以後都可以上佢啲班學吓都好。

化妝方面我哋係搵Riko Yeung，當初接觸Riko係因為我上Facebook嘅時候搵到一間叫AS Makeup，就見到有個叫Riko Profession MUA，咁見到都好靚，之後就去search佢contact直接搵佢喇。當初都有搵佢試妝，就冇試過其他。喺未到big day期間佢都有提我頭髮要留到大約幾長﹑染咩色﹑話我知前一晚唔可以用護髮素，如果唔係會影響set頭。 Big day嗰日見到佢第一個感覺都係幾舒服，另外big day前我係有send我租嘅衫嘅相俾佢睇，話番俾佢聽我想要咩造型，其中一個我就想要個花環，咁佢嗰一日就趁空檔時間同佢助手去買花整咗個花環俾我，我都好鍾意進場嗰陣用亞馬遜百合做嘅造型。 其實我結婚前幾日就突然濕疹同皮膚敏感，右邊臉有好多粒粒，我都好唔開心，我同Riko講佢都有安慰我同我講會盡量幫我遮，都會盡量幫我將啲花set喺右邊等攝影師影右邊臉，佢會主動諗方法就番等之後睇相冇咁覺。