我落訂之前試妝試咗Riko同埋Joanne，本來想揀Joanne，因為佢態度真係好好，好friendly，不過我想book 個時佢已經full咗，所以最後book 咗Riko。點知佢擺酒個日全日黑面！佢價錢都唔平架，計埋利是同的士錢都差唔多俾咗12000，真係好後悔揀咗佢，唔會介紹佢俾其他人。 其實我試妝個時個妝都麻麻地，但係佢髮型set 得幾靚，所以先揀佢。試妝個時，Riko份人幾好架，我結婚一年前已經book 咗佢，唔知點解擺酒個日態度差咗。例如佢整到我個頭有D塌，要求唔好咁塌，佢就話「你自己話要咁整架喎」，然後好不滿咁幫我整番。 同埋佢好唔helpful，我細妹個日5點幾既時候個妝溶溶地，個助手本來想幫我細妹補妝，但係Riko就睥住個助手暗示佢唔準幫手。講起個助手都幾慘，俾佢係個客面前鬧咗成日。 最慘係佢搞到我敬酒既時候好趕。我2140出去敬酒，佢突然間叫我2215 之前一定要入番去轉最後一個送客既妝，唔係既話佢要走，一係就加錢。但係佢之前明明話係whole day，無講過要2215走。我因為要趕時間，三十幾圍要係6分鐘就要敬完，其他人敬酒正常係每一圍都影張相，但係我完全無影相既時間。 Big day 個日個妝比試妝個時好少少既，不過我覺得個妝點都好，態度真係好重要，唔應該係我好日個日黑面。

呢個上Facebook睇makeup網頁搵返黎嘅，一試妝就confirm左。化妝師就係Riko自己，個妝我俾佢全權負責，佢就自己幫我諗啲變化。佢技巧好好，無論整頭、化妝定係個觸覺都好好。 Big day果日跟足成日，去到後期佢胃痛唔太舒服，但我仲有一個送客妝要轉，佢都繼續好用心幫我化妝，就算係唔舒服都影響唔到佢嘅水準。而且佢同佢助手好親切，兩個後生女有講有笑。新娘當日可能會有啲緊張，但有佢兩個係到搞下氣氛，其實可以舒緩情緒，令我自己輕鬆左。