Bunny Garden係我pre wedding攝影師推介，佢話要似鮮花嘅絲花球，最high quality就係呢間。其實我影prewedding嗰陣好趕，係嘅幾日前先去搵佢哋，都好在嗰時咁啱有現貨，就揀咗個比較森林feel，vintage 同埋以粉紅色為主嘅絲花球。

然後我唔想結婚前一日仲要去攞鮮花，會好攰，想留多啲時間休息，所以big day花球都係喺Bunny Garden度訂絲花花球。Big day嗰個花球係圓形，多D白色同埋粉藍～我都有喺佢哋度訂埋襟花比屋企人同長輩。佢聽完要求就幫我哋tailor made，又唔會有限制，每一個都係獨一無二，全部都整得好靚，所以都好滿意～完全係我想要嘅野！

我影 prewedding之前喺呢到整咗個絲花花球，雖然價錢喺貴咗啲，同鮮花價錢差唔多，但個效果好真，啲花真到當日嘅攝影師、MUA都覺得好像真！可能因為佢紮得靚，質素又好，所以好多人都覺得喺真花。 我喺Facebook搵到有啲photographer嘅reference提到佢哋，見佢哋啲花特別靚，所以就諗住幫襯佢哋。佢哋淨喺賣絲花，冇真花，因為見到好靚，所以就即刻落咗訂。 我覺得鮮花只可以用一次好唔抵，我寧願早少少整絲花球，用完prewedding、bigday之後仲可以擺喺屋企做裝飾，加上佢哋嘅花咁真，所以我都好滿意！