當初見到 Diamond Store 都已經覺得佢哋啲款好靚，真係比較特別，而咁啱自己朋友結婚都幫襯過佢哋。當然我哋都有睇過嗰啲大牌子連鎖店，但總覺得嚟嚟去去都係果幾款，好普通，最後都覺得不如揀佢哋啦! 佢哋店面唔大，我哋約咗時間上去就有一對男女 serve 我哋，唔會同人逼又可以慢慢揀。佢哋同時一啲都唔 hard sell，見我哋唔知點開始揀都會自動介紹吓啲款，服務都好好。到最後我就哋揀咗隻玫瑰金拼白金﹑個款特別在隻戒指中間會襯返一排碎鑽，而出面啲舗頭好少見有呢啲拼色嘅款。 記得當時都發生咗段小插曲，就係佢哋當時幫我刻名刻錯咗一個字母，其實我自己當時都冇留意，不過見到之後都即刻搵返佢哋。佢哋呢點就真係非常好，態度好好之餘仲話會好快幫我哋整過隻啱既，差唔多兩個禮拜左右就搞返掂。另外想讚就係佢哋個包裝都都幾特別，打開個盒入面係會有個小射燈射住對戒指，一打開就好閃，好靚!

揀婚戒既時候都真係睇過幾間連鎖舗頭嗰啲款，不過都真係太簡單。我本身好想搵到嗰啲男仔一粒石﹑女仔一排石嘅戒指款，但係連鎖舗頭就睇極冇呢啲款，好多都係好plain，又冇得tailor-make，改乜都話唔得，所以先萌起搵小店既念頭。當時都有上網見好多廣告，見Diamond Store都有好多戒指款，款式又比較特別，而且價錢又okay，就約佢地時間上咗去睇。上到去就可以一對一咁慢慢試，翻咗新款佢又會拎俾我睇。 值得一讚就係佢單對單嘅服務，而且佢會攞好多款俾你試，揀嘅過程都會俾我哋番去諗吓先，唔會點去sell你，又講到明鐘意咩款都可以幫我哋造同改。 包裝就普通啲方面，真係普通盒一個，如果個包裝花多少少心思，可以華麗啲去“wow”到人就更加好喇! 整體service好過大舗太多喇，而且款式真係獨特啲，唔會同人撞款。