其實我都睇過幾間婚紗店，總共有三間，Alisha & Lace係第三間，我記得我係喺灣仔婚展睇。以我所知佢哋第一次嚟嘅時間唔係用Alisha & Lace嘅名，佢哋係同partner落嚟。但係後尾佢哋就自己嚟香港，因為佢哋係台灣嘅蕭老師，我就知佢哋本身d cutting都係fit返亞洲人。因為我本身比較細粒，所以佢哋嗰度啲衫比起我另外之前試嗰兩間，感覺著落去好啲，因為我當時係即場試咗件，直情「立」過眼望到呢件好靚，跟住佢就俾我即場試一次，又ok喎。但係嗰時就冇落到offer嘅，因為諗住再睇下其他先。我自己覺得有時都係人夾人緣，因為嗰時我同個負責人都幾投契，後尾佢話俾我聽原來蕭老師本身台灣同新加坡都有分店，佢都諗住落嚟香港，我就話其實我都唔趕住睇衫，因為大部份新娘臨尾都改到七彩，佢話如果我唔介意等嘅話，等佢哋落到嚟有多啲裙款揀先再做決定，於是我就再等一等佢。 我之前睇過一間Spring Wedding，嗰間我冇試，係落咗舖頭睇，佢就俾啲板我睇，我自己本身睇緊旗袍企領款，因為我見到佢櫥窗嗰件好靚，諗住quote一quote佢嗰邊，睇完就冇急住落訂。我繼續睇都係主攻搵企領款。另外睇過一間因為太普通，所以唔記得咩名，總之係比較相宜。因為Spring Wedding同Alisha & Lace對我嚟講都係中價，一定要好靚我先捨得。 Spring Wedding我都有特登喺婚展度搵佢哋個攤檔，佢個攤檔都頗大，唔係話sales服務唔好，但係合眼緣就係合眼緣，啲衫其實我覺得兩邊差唔多，但係Spring Wedding嗰邊我個人覺得比較歐美啲，所以企領同旗袍款比較少。同埋我望落去佢啲衫都好長，我個人係短嘅，咁所以好似有啲難度。但係Alisha嗰邊佢有啲就返啲細粒啲嘅，起碼試嘅時候我已經預到係點樣。但係Spring Wedding嗰邊就可能因為我冇試上身，就唔好意思喇，最後冇揀佢。 Alisha & Lace嘅負責人叫Mimi，佢好friendly好talkative，喺各方面所有問題都幫咗都好多，亦都推介咗好多嘢俾我，直情係半個婚禮統籌咁。因為當日個化妝同set頭係我自己啲friend，之後無論係回禮禮物佢又有俾idea我，我個攝影都係佢介紹，如果佢有裙褂我就會喺佢嗰度搞掂埋。但係基本上一個婚禮需要嘅嘢，佢嗰度已經推介哂俾我。佢冇sell我，佢哋本身啲quality好好，都唔洗點sell。因為我自己本身鍾意lace，聽佢嗰邊個名Alisha & Lace都知係以lace聞名，所以啲款我睇落去都開心啲。 我好似試咗好多次，佢初初嚟到香港我已經試咗一次，到六月中我又試咗一次，之後中間唔知咩事我又試多咗次，總之係佢有新婚紗返我就去試。佢哋態度都係好welcoming好舒服，可能係我主觀感受，因為我覺得佢哋好friendly，無論係Mimi同Connie媽都係。我唔知啦，試衫可能都係standard嗰啲嘢，佢哋話俾你知有咩好，有咩唔好，好樂意拎落嚟俾你試，試完佢會話你知覺得邊個好啲。我唔知係咪間間都係咁，我覺得好好。 有一件事我好深刻，嗰日我上去final fit跟住度身，度完身之後個師傅即席改嘅，我就要等啦。等嘅時候Connie媽個仔直情係落去買埋飯上嚟一齊食，所以成件事個感覺好friendly，感覺好愉快。因為我識Mimi時我未知佢大肚，後尾還衫嗰時，我係同步睇住佢大肚同小朋友出世，某程度上真係人夾人，所以我同佢哋一齊感覺好好。Connie媽真係全程跟足我！而因為Mimi啱啱嚟香港，都要出去做下profile，出去影相，通常就係Mimi出咗去跟影相，舖頭入面通常都係Connie媽，直情好似Connie媽睇住我嫁咁，所以我還衫嘅時候都好感觸。 我知佢哋想搵多條line，好似想做一個年輕啲同affordable啲嘅line，但係我覺得唔好，因為brand image好緊要，同埋有麝自然香，佢哋呢個品牌係完全冇問題，真係好鍾意佢哋！

我朋友試過喺呢間舖頭租衫，Big day都揀咗呢間，我覺得D衫好靚好靚，所以就去試。其實我自己比較懶，唔會想周圍搵，我覺得佢哋款式好靚，都係我鍾意嘅款式。本身佢哋有一個free try嘅活動，咁我就自己上咗去，睇中咗啲款，都冇再去睇第二間就book咗。 佢哋舖頭好靚，係我好鍾意嘅風格。因為佢哋free try嘅活動，所以我試衫都冇收錢。佢哋態度都幾好，在於任何人都上得去試嘅態度，佢哋都算唔錯。佢都冇任何壓迫，鍾意揀啱你就試，都冇咩所謂。主要serve我嘅係Connie媽，佢都幾好。同埋佢哋間舖都好忙，佢都係等你揀完再幫你去試，俾啲意見你，都幾好，唔似其他舖頭咁壓迫，迫你揀同租。 我揀啱咗之後佢話返個package價錢俾我聽，佢會叫我試咗一件先，再啱先再揀，我係第二次去先揀埋第二條，第一次去就揀咗一條就落咗訂。不過佢哋真係太忙喇，如果可以多啲人手就好啲，同埋哋方可以再大啲。因為一多人上去佢哋就唔夠人手。