因為一開始已經喺其他店度訂晒裙同晚裝，但姊妹裙就未買。之後再喺facebook度見到SOJ Wedding，嗰時我就send啲reference圖俾佢哋睇，佢哋話應該可以上去傾傾了解一下，我先同啲姊妹一齊上去傾。我覺得老闆娘Shiry佢真係好細心咁向我哋解釋，又幫我哋對色。佢完全無俾消費壓力我哋。而我哋只係想買姊妹裙，佢都為我哋預留一個時間試衫同傾嘢，非常友善，唔會覺得我哋呢單係小生意就唔理我哋，又無話早落訂先有優惠嗰類。 當時我無上過去試衫，只係買姊妹裙，但後來我都有介紹其他朋友上去租衫。我啲朋友都覺得佢哋啲裙嘅quality都OK，乾淨企理而且新淨。拎到姊妹裙後，啲姊妹收到裙後就覺得啲褶位太鬆。於是我哋就向Shiry反映，佢好樂意咁幫我哋改裙，又無特別再收錢。我覺得佢好有心，講到明係想啲新娘嚟到可以開開心心搞Wedding，好多嘢都做得好好，又好諒解新娘嘅心情。我覺得如果佢哋嘅店可以多啲裙款同顏色就好喇，當時我都係俾reference佢幫我tailor made。不過我唔知係咪佢暫時想主力做婚紗，但一間咁好嘅店真係值得推介俾大家。