我係第二間就試佢。我揀咗一件短拖尾，bling bling款，一字膊，第一次試佢可以試4條，我個陣就試咗3件婚紗1件晚裝，因為我好遲先去睇，然後好多都無期。第一件試既已經好鍾意，於是就揀咗做婚紗，後來揀咗lace但無袖，蘋果綠色既晚裝，我都揀咗個半花圈既頭飾襯返。 佢哋服務態度都ok，因為好多人可能都第一次著nude bra，佢都會解釋得好詳細點樣著，又會比好多意見例如邊啲款我著咗會好睇啲，然後都會攞出黎比我試。 不過婚紗質素我覺得一般，final fit試上身之後佢就會比我拎走，big day之後既4點鐘就要還喇，其實big day個日返到屋企都兩三點啦，變相其實個日我係無乜點訓過覺，朝早就急急腳還。去到佢話我整污糟件婚紗，佢一開頭話件紅色睡衣可能會甩色既，拎婚紗走既時候個姐姐都有同我講最好入面打件底，換婚紗之前用消毒紙巾抹一抹個身先著，咁就唔會有紅色甩係件婚紗度，咁我都明白既，我都唔想下一手件婚紗唔靚，我好surprise佢話我件婚紗有紅色甩咗上去，因為我個日結婚其實都凍，我已經有打底，佢叫我著件有袖既打底，我直頭著咗件長袖既heat tech，加上我又有用消毒濕紙巾抹身之後先著婚紗，所以我都好驚訝！而且佢哋態度唔係咁好，要我每一個step講清楚我點樣著，然後佢就judge唔到，就叫咗佢另一個同事過黎。後尾佢同事就問我用咩濕紙巾，我就拎出黎比佢睇，係醫院出既75%alcohol獨立包裝消毒濕紙巾，佢就話要係攞消毒酒精抹落紙巾度再抹落個身度，但係我話同事個陣唔係咁講，佢都係話用消毒濕紙巾，我仲要已經用醫院出既，我都唔知點解會咁樣。同埋其實我拎件婚紗走既時候佢都無比我好detail咁check件婚紗，到我還婚紗既時候就好似驗屍咁驗，我就有少少唔明，佢後尾都無罰我錢既，唔知係咪抹得甩，但我都已經同身邊其他朋友講呢樣嘢，就算佢地唔係係呢間租但都要小心呢種事既發生。

呢間樓上鋪係我老婆嘅朋友介紹俾佢，我哋上佢哋facebook見到佢哋都有好多like，就決定幫襯。佢哋間鋪喺旺角，上到去整體感覺又細又迫。我哋有問佢哋點解唔擺婚展，佢哋就話擺要幾萬蚊，啲plan又要平，到頭來都賺唔到錢。 因為係樓上舖，租金平啲，所以價錢都相宜啲。我哋都試過尖沙咀婚紗街嗰邊嘅婚紗店，但係都係花嫁好啲。啲衫都乾淨，老婆都話ok。佢哋佢哋有好多衫，所以試身室好細，只係拉塊布嚟試，個半鐘要揀到，唔係下次就要加$500再試多次。老婆揀咗婚紗同裙褂，老婆都話啲衫係靚嘅。不過呢間嘅男仔衫唔掂，比較老套。