我覺得搵化妝師最緊要有口碑，有朋友用過真係好重要，而我朋友之前用過Stimage Makeup嘅Hailey，覺得佢化得好靚，所以我就揀返佢。 Big Day嗰日我係請咗Hailey部份時間幫手，唔係跟全日，朝早三個鐘, 然後下午4點到夜晚。Hailey真係好好，好能夠滿足新娘子嘅要求，同時亦會俾好多好有用嘅意見。我同佢講過話唔想化到個樣變咗，想似返自己，佢完全做到。每一套衫佢都有幫我諗過點襯，例如由淺到濃妝。我後來放咗一張相上fb, 啲人都留言問我個妝好靚，係喺邊度化！ Hailey好快手，又準時，仲俾好多化妝品我揀。換一個裝大約10分鐘左右就可以返出去影相。成晚我最記得就係佢問我承唔承受到烈艷紅唇，襯返套紅色晚裝。我覺得佢唔會自把自為，都會問我意見先去做，好細心。