希望各位去婚展前做多啲research!，唔好似我地盲中中走入去先慢慢揀！😞 呢間wedding bird係推銷時候非常熱情，會狂讚對新人，又不斷用聲稱”好優惠、過左就無”既package留住你！老實說，價錢佢地係頗貴，但影出黎既相係好commercial、一式一樣、完全唔靚唔值得！😷 我地join左影香港外影既package，萬幾蚊，點知原來仲有其他收費，要比租車費，每小時差不多$200，架車係佢地自己公司既，個司機就係個攝影師😂然後你預左行程一定會overrun，淨係租車錢都另外比多$2xxx! 咁嘅價錢影香港外景真係太唔值！ 婚展時佢會問你鐘意邊類型既相，然後問番果位攝影師當日有無期，不過經過我上左去實店多次交涉，同問過其他新人，呢間公司主要既fulltime係得1P1V，根本冇攝影師可以揀，所以你上到去見到d相 全部影出黎倒模咁，只係揀地點😂 亦感覺到個男攝影師影相無heart，只會教你幾個pose，所以睇番d相，你會覺得全部差唔多pose只係background唔同😂 一句講到尾，concern價錢既唔需要揀佢，concern質素嘅更加唔使揀佢。

（評語審查部: 以下內容涉及敏感字眼，經過修改後一律以X表示，敬請留意。）

一間你不會想介紹給朋友的婚照店. 睇完Gloria Chan 既評語我先知原來呢間野一直都係甘~好多隱藏收費吾再講, 佢地既禮服其實冇咩選擇, 簡Big Day Dress既時候係有種簡吾落既感覺..真係好後悔當初甘快就join左..當初係因為見佢地既相, 係真係影得幾靚! 不過pre wedding同上影樓時候, 先發覺原來攝影師態度會令你打個突~影婚照原是開心事, 所以佢X口X面, 好似吾想同我地影甘~令到我地都有D無奈, 但我地又想D相靚, 所以唯有同自己講可能玩藝術既人係甘, 笑啦笑啦~ 佢地係咪個個攝影師都係甘就吾知~至於化妝師就專業參差..影pre wedding 既時候個化妝師會問你皮膚會吾會易敏感, 不過我同我先生都吾係易敏感既人所以就話冇啦~又會提我地好多野, 例如執陣間外景既野, 睇得出佢都幾有經驗~ 但番黎影樓影相, 係另一個化妝師, 影完相番到屋企, 就發現塊面敏感, 我同我老公皮膚又紅又粒粒, 所以就問佢地化妝師既化妝品會吾會吾係甘乾淨, 佢地就話一早提過如果怕敏感就自備化妝品, 希望我地明白~~一句都冇問候過~ 唉,總之如果你地係想搵一間好既婚照店, 睇多幾間, 如果有其他選擇就吾好簡呢間!