佢哋嘅style好靚，香港好少呢種style，好有雜誌feel，好似我哋平時睇既日本雜誌咁，隨意得嚟又好靚！ 佢哋旗下有好多唔同既攝影師，每個都有唔同既style，但overall都係有一種雜誌嘅感覺。我個攝影師就係GP。我雖然喺影相前無真正面對面同佢哋開過會，主要係網上聯繫，但都感覺到佢地好nice。因為佢哋因為想保持個質素，所以每個月都有接job嘅quota，不過我覺得如果佢哋攝影師團隊再多少少人就好喇！因為我介紹咗比朋友之後佢哋都等咗頗耐～ 我最後就去咗台南影，地點係由佢地安排嘅，大約去咗4-5個地方。嗰日其實影咗多長時間，本身佢哋都suggest海外客人分兩日拍攝，但因為我哋比較趕，所以只能夠係一日之內拍次晒佢。因為呢個原因，本身佢地係有時間限制，但今次就冇限我哋時間，我哋由早上5點幾拍到凌晨1點幾都無加錢。拍攝當日，我哋感到整個團隊都好有熱誠，我先生唔係好識擺Pose，佢哋都會慢慢教。而化妝師方面，都好配合到成個造型，當天全日我哋都影好開心！ 而影出嚟嘅相真係好靚，佢哋嘅角度同埋取景都特別，我睇未執嘅相已經覺得好靚，加上佢地每一個攝影師影嘅相都係自己執，所以跟得好足。揀相時，佢哋唔會push我地揀相，感覺好好！