朋友介紹我地識bridal queen，佢地服務都好好，無hard sell。開頭我自己揀左啲裙，但係著左上身又發現唔係好岩自己style，唔襯自己。佢地都好好同埋好專業，會幫我揀最岩我，襯我style嘅衫，又唔會話要sell我而揀貴啲個啲，都真係幫我揀最岩我嘅衫。後來我睇返我自己揀嘅款，隔咗一排係其他公司都有出，唯獨係無我最後揀左嘅off shoulder款！同埋佢一有啲新款返都會通知我，又會留俾我去試。我仲有搵埋佢幫手化妝，佢都好好，主動講返話因為見多幾次後認識我多左，想再試下個妝，好有熱誠。另外佢又主動幫我搵啲accessories 襯返啲裙，唔係求其搵，態度都好認真。佢地知道我擺酒同行禮要分兩日，都俾我套衫租多一日，而唔使收多我錢！

我租左晚裝同婚紗，因為我喺Club One擺酒，佢地同Club One有joint promotion，所以我係呢到租呢會有discount。 佢地D款式好特別又唔common，有位staff叫Stella，佢好好人，比我地任試唔嬲，唔會黑面！例如我一開始講左想要乜色，試完唔啱我，佢地會推介Ｄ你覺得自己唔襯，但其實係幾正既衫比我地，我就租左條黑色晚裝，加朵大紅花。仲有我奶奶套晚禮服都係呢到租，佢都好滿意套深藍色bling bling既衫。佢地好中肯，覺得你真係靚，就會好落力話你好，唔好就會推介其他比你。