我本身就已經識Once and Forever嘅Vivienne啦，一路都有睇開佢嘅化妝Instagram，幫啲朋友化嘅結婚妝好靚，我自己之前去event都有搵過佢化妝，覺得佢手勢都幾好。原本我pre-wedding係搵第二個化妝師化嘅，但係比較過都係覺得Vivienne化得好啲，所以big day又搵返佢幫我全日化妝啦😊。

佢好早就提定我啲細微嘢同俾咗好多專業意見我，因為我嘅頭髮原本係黑啲嘅，佢會提我如果想big day嗰日紮嘅髮型出嚟嘅效果靚啲，就可以去染下highlight啦，又幫我睇埋啲髮色同幾時去染會好啲，同埋佢哋頭飾嘅花係用真花嘅。妝容方面都係Vivienne幫我設計嘅，因為我自己唔係好熟化妝，佢會建議咩顏色或者妝容會啱我嘅面型，之後再幫我微調。

試妝嗰日我條眉係無乜點修嘅，佢都好輕微咁幫我執咗條眉，條眉影響真係好大，整完之後嘅效果靚好多😍。同埋我嘅眼皮本身比較重嘅，佢都好純熟咁幫我黐到個雙眼皮貼，眼睫毛嗰度佢又會逐條逐條幫我黐，會跟返我眼嘅弧度，出嚟嘅效果就好自然👍🏻。

佢仲提我big day前一晚就要敷個mask同早啲訓，因為佢驚我去到big day會水腫，果日佢都預多少少時間早啲嚟到幫我做咗個妝前嘅護膚，拎個嘢幫我推面瘦面，呢樣嘢真係好好，因為出面嗰啲係唔會特登幫你護膚嘅😚。當日我都會比較忙，Vivienne好好，會喺妝前妝後額外幫我影啲相，影得都好靚，執咗顏色之後好快就send咗俾我，可以當係花絮咁留個紀念先。嗰日佢真係好sweet，見我滴汗會即刻幫我抹，唇膏甩咗少少又即刻幫我補返，跟得好足好照顧我🥰。我身邊朋友都差唔多結婚年紀，所以佢哋嚟緊結婚我都會介紹Once and Forever俾佢哋啊。

我係上Facebook搵到Once and Forever嘅，嗰陣都有問唔同化妝師嘅價錢同服務，覺得佢哋嘅價錢比較相宜，所以就選擇咗去試妝，試妝嘅收費可以全數補返，之後佢哋好nice咁同我講返啲步驟。我係差唔多一年前就已經confirm咗，但其實第一次試嘅妝我唔係好滿意，因為我自己要減肥，但見佢哋提供到啲專業意見，就算我唔滿意佢哋都好願意改，同埋佢哋好主動提出喺我婚前一個星期提供多一次試妝俾我，我嗰陣同一年前瘦咗二十磅，有多一次試妝會令我放心啲👍🏻。而且我覺得喺出面搵其他人試妝效果應該都差唔多，我又唔想再周圍搵，再考慮埋佢哋嘅價錢又真係好滿意嘅，所以就揀咗佢哋啦😊。我嘅化妝師Vivienne技術好好，我之前去做姊妹啲化妝師都係用一排假眼睫毛，因為咁樣會無咁嘥時間，但係佢哋係逐少逐少咁幫我黐，出嚟嘅效果自然好多同埋隻眼會舒服啲，同埋因為我本身係戴開眼鏡唔慣戴con嘅，所以呢樣嘢對我嚟講都好重要。其實我自己平時好少化妝嘅，但係big day嗰日佢幫我化嘅妝我真係好滿意，做出嚟真係好靚😆。同埋Vivienne好friendly咁會問我嘅需要，做中式褂妝嗰陣嘅頭妝我決定唔到要花定係金飾，就會send好多圖俾佢問佢嘅意見，佢都會提供意見俾我同幫我去搵，直到搵到我想要嗰隻，到試妝嘅時候再幫我拼，唔會話怕麻煩而敷衍我，真係好好🥰。