我有朋友搵咗Jader Poon影相，認識咗Hillary（因為佢哋喺partner嚟），就介紹我用佢。我覺得Hillary佢好nice，會陪我去睇婚紗，但唔會額外收我錢。

12月15號嗰日，佢幫我同我啲姊妹影咗3-4個鐘相。因為我啲姊妹一半喺外國嚟，所以我哋都想可以特別去影啲相紀念。Hillary佢一開始就同我講影戶外係佢嘅強項，室內就比較弱，如果想影室內景就可能搵其他攝影師會好啲。但我覺得戶外都唔係問題，所以就去咗山頂度影。我覺得佢喺山頂影啲相真係好靚，而且Hillary佢係咁多攝影師之中影得我最瘦同埋最靚！佢算收得貴，但係quality真係喺度！當日佢有影菲林又有影digital，但係其實都咁靚，我分唔到。

我覺得佢捕捉女性靚嘅一面真係做得好好。我覺得自己係一個女漢子嚟，我都同佢講你會唔會可以將一個女漢子影得好sexy，佢就話放心交俾佢。我睇到啲相都覺得佢好勁，我真係無見過自己都可以影到咁靚同埋會有啲sexy嘅感覺！我簡直覺得唔係我嚟，係靠佢幫我造出嚟嘅形象～！真係好勁～