我係搵佢之前試過其他化妝師，朋友睇完相覺得好似化完仲肥咗😢但係佢就化得唔錯，我試妝嘅時候頭髮比較短，令佢發揮都會有少少難度，但係佢都好盡力同set得好靚🤩而且試妝嘅時候佢已經認真同專業到好似我當日就係Big Day咁❣️我係放工之後去試嘅，嗰日太攰，試試下唔小心訓著咗，佢就會好細動作，唔會整醒我，我覺得係好貼心嘅一個位😙我之前有同佢提過如果佢可以獨立有studio唔洗同人share就好，佢無耐之後就真係自己租咗個studio，佢真係好重視客人個意見！我之後都有搵佢漂眉同介紹佢比朋友🤣

佢化妝化得好靚～！因為我唔鍾意好濃嘅妝，佢就盡量就我。 而且佢轉妝速度都好快，佢又會睇下我啲衫然後配合埋個妝，髮型方面都配合得好好。化妝嘅時候，佢又會同我傾下計，大家都算幾啱傾～過程都幾開心！