其實結婚之前都睇左好幾間deco公司嘅，都有去婚展睇過，聽過其他公司嘅suggestion，都未達到自己最想要嘅款式，咁啱俾我地見到Sole Wedding嘅backdrop都好有心思嘅，跟著我地就約左佢地去見面。

當時我仲未好確定自己想要點樣嘅backdrop，Sole Wedding就有一啲特色吸引到我。同埋有樣嘢我好欣賞就係，佢地公司嘅理念畀我感覺好用心，會好真誠去對待佢嘅客人，而唔係一式一樣畀啲template客人揀，雖然未見面，但都感覺到佢地係用心嘅，當時有其他選擇考慮，所以仲係度篩選緊其他公司，但我地一上到佢地studio，同佢地負責人了解番就即刻confirm左揀佢地。

因為我地當時主要搵左佢地整夜晚ball room嘅backdrop佈置，我自己心目中係想要簡潔啲嘅款式，backdrop上面會有花嘅佈置。佢地比較吸引到我嘅地方就係佢地排嗰啲花好自然好靚，唔似其他公司嗰啲花好實的的咁，佢地完全係做到我對於花嘅形態嗰種要求。當時自己都有少少頭緒嘅，但佢地都有畀啲reference我地，大家再討論點樣砌一個最完美嘅backdrop出嚟。

其實一開始whatsApp嗰陣，我地無乜點同佢地講我地個budget嘅，主要同佢講番backdrop個款式，不過佢地個價錢都meet到我地個預算。

佢地畀完個draft，我地都好快定左落嚟，一開始佢地畀左2-3個layout我，本身我想要嗰個backdrop係偏向白色嘅，佢地會有啲solution講番嗰隻白。如果偏灰少少出嚟嘅感覺會好啲，佢地有好多好好嘅idea話番畀我聽，用佢地專業嘅眼光講番咩白係會最好。我地想要一個比較立體啲嘅名牌，出面嘅名牌可能用發泡膠整，個效果有啲假，我就希望個名牌四面睇都係咁立體，佢地係完全做到我嘅要求，亦好用心咁幫我揀啲啱嘅物料，字款亦揀左2-3個畀我地睇，其中一個我就好鍾意。係現場睇到個效果我都好滿意，同當時個layout都好相近。

溝通嘅過程佢地唔係一句起兩句止，而係畀好多意見我，我個backdrop係白色，咁坊間好多白色嘅backdrop都有盞黑色嘅燈好礙眼，我就問佢地會唔會有個白色嘅箱遮住，佢地好快手就應承左我，特登為左我去做一個白色嘅盒去遮住盞燈，出到嚟嘅感覺真係差好遠，我知道佢地係bonus去幫我做呢樣嘢，都覺得好開心。

同埋我地見到有啲backdrop嘅燈串，一般都好大粒，我就有啲驚影相嗰陣我個樣會黑左，咁我見到有啲reference嘅燈係好幼細嘅，佢地話番畀我聽，呢啲叫做魚骨燈，我自己好鍾意，咁我知道呢樣嘢都係佢地額外幫我做，所以覺得好開心，而且出到嚟個效果都好好，朋友賓客都覺得好靚，當晚Sole Wedding嘅負責人都有去到現場，佢好有責任感，見到佢都覺得好開心。因為搞結婚中間有好多事情要煩，能夠好放心交畀佢地去搞，成果又咁好係好好囉。Sole Wedding會企係我地個角度去諗，我地有傾過大家嘅budget，佢地好明白我地concern嘅嘢囉。

我上網睇過其他人對呢間公司既評價都唔錯所以決定揀佢。約出黎傾個陣佢地都有show俾我睇佢地之前做過既佈置，但係其實最後都係我自己上網搵咗啲簡約款俾佢參考跟住做。咁佢地都好好，會跟返我既意思去做，盡力配合我，唔會好似有啲designer咁好有主見幫個客決定曬啲野。傾好之後佢中途都有keep住update個進度俾我，最好既係每次我問佢野佢地都好快覆，同埋臨big day前一個月我突然想改用黎證婚個backdrop既設計佢地都話無問題，好肯配合，所以我覺得佢地好專業👍🏼，又無話另外收我錢😆。big day當日我見到個final product都覺得好滿意，朋友屋企人都大讚！😍仲有我覺得價錢都幾合理，兩萬四千幾左右包咗兩個backdrop,reception佈置同埋一個有我半個人咁高既A&A木製既decoration。佢地成個服務都令我覺得好舒服，如果可以設計再多啲款既佈置俾客人選擇就更加好喇，不過我對自己big day既佈置已經好滿意～❤️