一開始喺上網見到Fairy Bridal嘅，好多人都俾好評，同埋佢舖頭喺新蒲崗都好近我，都好方便。因為佢哋主打中上價位嘅歐美款婚紗，都幾合我心意，試咗上身之後覺得都幾啱自己，所以最後就揀咗Fairy Bridal啦。Kaman一直喺我試衫嘅時候幫手，佢態度好友善，會俾好多唔同款我揀，又唔會限制我只可以試幾件，俾我試到鍾意為止，都好有耐心😊。舖頭嘅環境都好舒適，試婚紗嘅時候唔會覺得好逼，或者趕住我快啲搞掂咁。我一開始淨係喺佢哋嗰度租咗兩條婚紗，因為係婚禮前兩日原本租晚裝嘅舖頭有意外交唔到條裙俾我，我就臨急臨忙聯絡Kaman想睇下佢哋嘅裙，無話一定會租，Kaman原本嗰日係休假，但都專登安排時間開返間舖俾我睇下啲裙🥺。睇啱咗嘅第二朝就即刻搵師傅幫我改裙，最後我都及時順利拎到條裙，好多謝佢哋啊！唯一可以改善嘅就係佢哋嘅宣傳，因為見其他婚紗舖都會post下客人著上身嘅相，可以俾客人參考返個效果，佢哋都可以咁post多啲上身相，就可以吸引到多啲客人啦👍🏻。

試衫嗰時Fairy Bridal嘅環境好啲，地方比較大比較舒服，同埋服務好好，Sales都比較有耐性。👍🏻我哋坐係梳化等嗰陣，佢哋都踎低身同我講嘢，覺得佢哋好有禮貌。佢哋啲款式都OK，都係外國啲designer款，都靚嘅，所以我都試左幾款。同埋佢哋有免費試身，開頭話淨係免費試一兩件，但佢哋見我鍾意，就話可以免費試多幾件。😍 咁試左之後覺得幾靚，佢哋服務又好，就決定左。 

平時都係Facebook網上search開婚紗之類，有時就會彈出啲婚紗舖頭俾我，咁都會click入去睇睇佢哋啲款。去Fairy Bridal之前都有去過其他公司，但嗰啲公司啲款都唔係好啱唔係好鍾意。咁我自己都冇話有特別要求，不過我老公就對裙靚唔靚要求高啲。之前嗰啲我哋兩個都覺得唔係好靚， 而呢間我哋都覺得OK, 都算靚，同埋咁啱嗰日個sales自己有試過幾件，佢都有推薦俾我，攞過嚟咁啱個size又啱身，試出嚟個效果都OK。佢哋嘅婚紗同晚裝嘅質地同design都比較高級，覺得好靚。我哋租左一件婚紗同兩件晚裝，佢哋全部都係外國廠做、由外國designer設計，其實同中環嗰啲好貴嘅婚紗舖頭大牌子差唔多。👏🏻 比起之前睇過嗰啲，佢哋款式嘅design都係好啲嘅。首先造工好，款式都係靚嘅，同埋服務又好。佢哋嘅裝修都幾好幾高級，地方幾大，樓層比較高。雖然係工廈，但玻璃窗望出去嘅景色都算開揚，感覺幾舒服。🙂 當時嘅職員都有同我哋介紹咗主要嘅婚紗有邊幾款。佢哋先問我哋鍾意邊啲款，然後就攞咗iPad出嚟俾我哋自己揀，任我哋慢慢睇。有兩個職員協助我試身，佢哋都好注重客人嘅隱私，幫手擺好一條裙就會先出去，叫你條裙差唔多著上身，遮好啲私人部位，有需要再嗌佢哋入嚟。佢哋啲職員服務態度好好，價錢方面都合理，啲款都係外國designer款。可能因為係工廈，所以相對中環嗰啲會平啲嘅，我都接受到。我另外都租咗一件媽咪衫。如果即場試咗唔啱，佢哋有師傅即刻幫你改，呢樣都做得幾好。其實佢哋大部分都好好，不過如果佢哋嘅地毯吸下塵會好啲。😉