我哋係朋友介紹認識Never Ending story嘅，之後比較過其他間公司都係覺得佢哋嘅deco最靚，所以最後就揀咗佢哋啦。開會嘅時候佢哋都好聽取我嘅意見，因為我花球淨係想要一枝花，佢哋就會努力幫我搵最靚嘅花，其他擺場地嘅花我就同佢哋講我想要嘅顏色同concept，佢哋都會幫我搞掂，溝通方面都好上心。所有decoration包括門口檯、檯面、檯花、背景、arch都係佢哋負責嘅，當日擺出嚟嘅效果都好靚，性價比好高👍🏻！我覺得鍾意藝術同後生啲感覺嘅新人就最適合佢哋啦，因為主理人本身都好有art sense又好好商量，我都好滿意佢哋嘅服務啊🥰。

一開始我哋係透過friend知道Never Ending Story呢間公司嘅，佢哋用過都覺得幾好就介紹俾我哋啦。我哋全場包括簽名檯、證婚檯同backdrop都係佢哋負責。佢哋啲package嘅性價比好高，同佢哋溝通好舒服，準備過程都好負責任。因為佢哋做開酒店，而我係想要西式啲嘅style，想有多啲木同草嘅元素，佢哋都會俾我上warehouse揀，又買咗好多extra嘅嘢去滿足返我想要嘅style，都無額外收費😝。去到當日佢哋都有提前去個場地set up，同我哋交代會點樣完成，唔洗我哋去操心。最後出嚟嘅效果好好，我哋都好滿意，可以放心交俾佢哋👍🏻。但係佢哋喺Facebook上面嘅marketing就可以再改善下，如果可以擺多啲唔同style嘅相俾啲客參考，有多啲選擇就更加好啦😊。