海港薈 (尖沙咀北京道一號)
Victoria Harbour Supreme (One Peking Road)
4.8
香港尖沙咀北京道1號9樓
2151 1828
關於 海港薈 (尖沙咀北京道一號)

海港薈位於尖沙咀黃金地段北京道一號,鄰近各區交通樞紐。場內引入時尚的設計元素,禮堂設有高清LED屏幕,並配備先進燈光音響設備多種舞台效果;全景的落地玻璃讓浪漫醉人的180°維港海景盡收眼底;格調優雅的獨立新娘房特別設置兩台梳妝台,貼心顧及新娘、姊妹和家人同時化妝打扮的需要。全場可筵開35席,婚宴酒席只需每席$6680起,並免收加一服務費。海港薈期望能為您締造非凡婚宴,留下畢生難忘的感動回憶



立即按以下圖片,進入VR全景世界,讓您感受如同置身其中的體驗



VHS



套餐詳情
永結同心宴
情意綿綿宴
百年好合宴
浪漫婚宴尊享優惠
最新評論
整體滿意度
4.8
過濾評語:
Quxxn.queen Hui
4.5
精選評論
因為我先生之前喺海港薈飲過,覺得啲嘢食好食,咁喺差唔多結婚嘅時候我哋去睇咗好多場地,先一齊去到海港薈,覺得佢嘅場地夠開揚,四四正正又夠大,可以擺好多圍數,我本身唔係擺好多圍所以就好闊落。同埋因為佢喺尖沙咀所以有個對住維多利亞港嘅好靚嘅海景,本身嘅decoration好新好靚,唔會好沉悶,仲有個新娘房都好正,所以最後就揀…

因為我先生之前喺海港薈飲過,覺得啲嘢食好食,咁喺差唔多結婚嘅時候我哋去睇咗好多場地,先一齊去到海港薈,覺得佢嘅場地夠開揚,四四正正又夠大,可以擺好多圍數,我本身唔係擺好多圍所以就好闊落。同埋因為佢喺尖沙咀所以有個對住維多利亞港嘅好靚嘅海景,本身嘅decoration好新好靚,唔會好沉悶,仲有個新娘房都好正,所以最後就揀咗喺佢哋度擺酒席啦😊。

我哋上去睇場嘅時候係平日夜晚,本身已經有人喺度食飯,佢都任我哋喺度自己參觀,唔會限制我。我平時主要係同經理Sunny同Yoyo溝通,有咩要更改修正都係同佢哋傾,佢哋服務態度好好,我睇場嘅時候佢哋已經試開個螢幕俾我睇,個mon好大,同埋如果有需要嘅話仲可以試播埋個音響,但係我就無要求啦。之後佢即時俾咗啲package嘅leaflet我睇,解釋得好詳盡,仲話如果唔即時join,去到婚展join都會有唔同嘅優惠🤓。

我本身係開廿一、廿二圍,但係因為疫情我最後就淨係開咗十五圍,所以cut咗六圍,佢哋有三圍唔收錢,另外三圍就俾我存菜,可以hold半年去食返,存菜有返少量嘅手續費,不過都係合理嘅。因為我有朋友cut圍數係無得食返,最多係減咗少少min charge但係都要照俾,但係海港薈原本嘅min charge唔高,同埋有得俾我cut圍數同存菜,處理得好彈性,好為新人著想🥰。

我無用到佢本身個臺,而係自己起咗個另外嘅backdrop,我同deco公司上去度牆起backdrop,前後上咗去兩次,第一次係我妹妹同佢男朋友上去度,我無事先預約到,淨係上去前幾個鐘whatsapp同返Yoyo講咗先,Yoyo嗰日係off嘅,佢話可以自由上去同返Sunny講就得,好配合我哋。第二次上去Yoyo就喺度,嗰日係有人擺wedding嘅,四點就要交場俾人,我哋四點幾五點先去到,但係佢話唔影響到其他人就ok,中間佢都有過嚟配合我話俾我聽之前度過大約嘅size,我再同返deco公司傾。

去到Big day,Yoyo都係全日跟著我,我有需要就彈出嚟幫我,真係好幫到手😚。因為我媽媽係食素嘅,佢有啲朋友都係食素,就開咗三圍齋for其他人食。嗰三圍其實仲有空位剩嘅,我媽媽坐主家席,唔會坐喺食齋嗰啲圍數,咁我就request Yoyo一定每一碟都要分開上俾我媽媽,呢樣好好👍。

March in嗰陣平時應該係由後面嗰度行上嚟,但係因為我依家set咗個backdrop喺中間,就會新娘房一出嚟就march in,所以Yoyo有同Sunny夾咗搬咗個射燈區去最後面,就可以射去本身嘅臺前,照住我行出嚟。佢哋會按我嘅需要去安排,本身佢都話有一定嘅困難,但係最後同MC夾完就幫我哋搬咗個射燈,好盡量配合到我哋👍🏻。

不過佢哋嘅菜單得三個選擇,如果可以多少少選擇就更加好啦。啲賓客都讚啲嘢食好食,特別係個湯好好飲,我當日無食到,但係佢哋有pack返俾我,我返屋企叮咗嚟飲,真係好飲啊😋。我已經介紹咗朋友去海港薈嗰度睇場啦,佢哋可以辦到啲中小型嘅婚禮,同埋個場嘅自由度好大,所以我覺得傾向西式婚禮、唔會太多圍數同想揀自己鍾意嘅decoration嘅新人就好適合啦🥳。

婚禮及婚宴場地
Ray Tam
5
精選評論
開頭係我太太上網搵到海港薈嘅,之後我哋上去睇,覺得個場地點OK,裝修好新淨,佈置啱我哋嘅款,同埋可以睇個全個維港景,所以最後就揀咗喺佢哋度擺婚宴啦😆。

我老婆鐘意佢哋嘅新娘房好大,同一開𨋢門就已經係佢哋個場,就唔驚會行錯地方啦。佢哋嘅同事好詳細咁解釋俾我哋聽個package包啲咩,會提供啲咩同我哋要俾啲咩佢哋,就算我…

開頭係我太太上網搵到海港薈嘅,之後我哋上去睇,覺得個場地點OK,裝修好新淨,佈置啱我哋嘅款,同埋可以睇個全個維港景,所以最後就揀咗喺佢哋度擺婚宴啦😆。

我老婆鐘意佢哋嘅新娘房好大,同一開𨋢門就已經係佢哋個場,就唔驚會行錯地方啦。佢哋嘅同事好詳細咁解釋俾我哋聽個package包啲咩,會提供啲咩同我哋要俾啲咩佢哋,就算我miss咗唔記得再問返佢,佢哋都好樂意好耐心咁解釋返俾我聽👍🏻。佢哋有三個plan可以揀,無論係餐前小食定係candy bar嗰啲,佢哋一套嘢已經包晒,性價比高。

有樣嘢我好有印象,就喺婚宴完左之後我哋返到屋企數返啲金器先發現漏咗一樣,就算隔咗兩三日佢哋都可以幫我哋搵返返嚟,好有責任感,唔會據為己有咁,已經即刻call我哋上去攞返,真係好好啊🥰。

Big day嗰日佢哋有安排職員跟住我哋,因為我哋驚會有啲甩漏,不過佢哋好有經驗跟得好好,俾咗好多意見我哋,會提我哋下一步要做啲咩。嘢食方面好多賓客都讚啊,尤其係個響螺花膠湯😋。

我book咗個場到擺酒期間先發現原來有朋友都係喺海港薈擺酒,之後有機會我都會介紹佢哋俾其他朋友。我覺得圍數唔係話好多嘅新人會適合海港薈,我自己擺咗十幾圍,因為嗰陣撞正疫情,佢哋嗰度好彈性,提出如果圍數少咗要縮圍數可以同佢哋講,唔會再收錢。我哋有準備搓手液俾啲賓客消毒,海港薈嘅衛生又做得好,咁我哋都安心啲啦😊。

婚禮及婚宴場地
聯絡資料
2151 1828
vhsupreme@hoikonghk.com.hk
最新優惠
聯絡商戶