海港薈 (尖沙咀北京道一號)
Victoria Harbour Supreme (One Peking Road)
4.8
關於 海港薈 (尖沙咀北京道一號)

海港薈位於尖沙咀黃金地段北京道一號,鄰近各區交通樞紐。場內引入時尚的設計元素,禮堂設有高清LED屏幕,並配備先進燈光音響設備多種舞台效果;全景的落地玻璃讓浪漫醉人的180°維港海景盡收眼底;格調優雅的獨立新娘房特別設置兩台梳妝台,貼心顧及新娘、姊妹和家人同時化妝打扮的需要。全場可筵開35席,婚宴酒席只需每席$6680起,並免收加一服務費。海港薈期望能為您締造非凡婚宴,留下畢生難忘的感動回憶



立即按以下圖片,進入VR全景世界,讓您感受如同置身其中的體驗



VHS



套餐詳情
永結同心宴
情意綿綿宴
百年好合宴
浪漫婚宴尊享優惠
最新評論
整體滿意度
4.8
過濾評語:
Peggy
5
精選評論
海港薈有個海景嘅view,個場地又靚,同埋佢唔係普通嘅酒樓,本身已經有好多婚宴嘅package,一出𨋢就有個好好嘅reception位,又有個好大嘅screen可以俾我哋放婚紗相,然後入到去佢嘅拱門、燈飾檯、新娘房、有位擺candy bar同相簿,其實呢度佢哋已經包埋,係婚宴專門店咁,好適合擺酒,就省卻咗我哋特登再去搞…

海港薈有個海景嘅view,個場地又靚,同埋佢唔係普通嘅酒樓,本身已經有好多婚宴嘅package,一出𨋢就有個好好嘅reception位,又有個好大嘅screen可以俾我哋放婚紗相,然後入到去佢嘅拱門、燈飾檯、新娘房、有位擺candy bar同相簿,其實呢度佢哋已經包埋,係婚宴專門店咁,好適合擺酒,就省卻咗我哋特登再去搞👍🏻。

我約咗時間先上去睇場,佢哋嘅員工好有熱誠,好詳細咁解釋呢度可以點用,到時會點擺,有啲咩係佢哋可以安排到嘅,好似已經有個好完善嘅proposal咁,話俾我聽到時幾點到幾點會有咩、邊個位置會擺咩、要留意啲咩,我要俾啲咩佢哋酒樓,歌同想要點樣俾佢同用咩format,幾時俾同俾幾多,真係好專業😇。

我哋上去傾完之後一路都有whatsapp溝通,佢哋覆得好快,有時我有啲唔明佢哋就會即刻打嚟。我擺咗兩日婚宴,擺咗兩個地方就好明顯比較到兩間嘅服務態度同經驗,海港薈嘅員工會隨傳隨到,我需要佢嘅時候佢就喺度,見我哋喺台上面企得耐,會好主動咁擺晒飲管俾我哋飲水,影相嘅時候又會過嚟幫我哋執靚啲,同埋敬酒嗰度佢哋嘅安排都係經驗嘅一樣嘢🥰。

擺酒嘅時候一對新人基本上食唔到嘢,第一味餸係乳豬,但係我唔食嘅,之後打落就完全無機會食嘢,最窩心嘅係我哋埋掂數之後,Yoyo已經幫我哋pack好咗兩大袋嘢食,有魚、雞、炒飯炒麵,甚至乎有個燉湯,仲有甜品,咁我哋夜晚就可以食返啲嘢啦😋。

我擺咗28圍,坐得好鬆動,不過美中不足嘅柱位後面會有機會睇唔到檯,就會俾佢哋睇返電視。賓客大讚個場地好靚,尤其係個成個backdrop咁大嘅螢幕,睇落去成個場好grand,我哋嘅兄弟姐妹、司儀同攝影師做晒喺個場中間一齊睇早拍晚播,成件事真係好開心😙。嘢食方面賓客覺得整體上係好食。

唯一一樣可以改善下嘅就是佢哋嘅射燈,我同爸爸入場嘅時候喺場地嘅好後面行到中間,交我隻手俾老公,佢哋嘅燈係照到我完全睇唔到路,會有啲危險,我明白佢哋係想靚啲,如果佢哋可以留意返就更加好啦😣。我覺得有要求但係budget唔係太充裕擺酒店嘅新人就可以考慮下海港薈啦,因為佢哋價錢合理,係酒樓嘅價錢但係有酒店嘅場地🥳。

婚禮及婚宴場地
海港薈 (尖沙咀北京道一號)
2020.07.22

Hello Peggy,首先好開心你鍾意我哋個場同服務🤩!射燈個方面嘅意見我哋收到,我哋會加倍留意射燈光線降落嘅角度🙇令你哋同賓客享受成個婚禮過程係我哋嘅目標,今次好開心聽到你嘅Feedback同欣賞我哋嘅專業,我哋會繼續做得更好!🎉

Yu
5
精選評論
我哋十月一號擺酒,當初揀場地嘅時候想睇煙花,所以想搵啲對住維港嘅,覺得尖沙咀又方便,機緣巧合見到海港薈符合晒呢啲條件。之後有日同屋企人去咗海港薈飲茶,飲完就順便一齊落去望下啦。一去到睇到已經好鍾…

我哋十月一號擺酒,當初揀場地嘅時候想睇煙花,所以想搵啲對住維港嘅,覺得尖沙咀又方便,機緣巧合見到海港薈符合晒呢啲條件。之後有日同屋企人去咗海港薈飲茶,飲完就順便一齊落去望下啦。一去到睇到已經好鍾意啦😍,佈置比較符合我嘅心水,光線又好,最緊要係性價比好高,屋企人都覺得好,所以最後就揀咗喺佢哋嗰度擺中式晚宴啦😆

睇場介紹嘅時候啲職員介紹得好清晰,好多嘢講完都會寫低,係白紙黑字,唔會有啲隱藏消費嘅。因為我哋喺十月一號擺,交通上可能會比較麻煩,好多嘢要準備好啲應變措施,佢哋處理得好快,同埋有啲圍數擺唔晒佢都可以俾我哋攞返,好彈性🤓

最好嘅係負責嗰個經理,全程都跟住我,見我有咩需要就即刻出嚟幫我,好貼心。另外,新娘房好大,有埋梳化,仲可以望埋海景添,攝影師、媽咪奶奶同姐妹入晒嚟休息都夠位,硬件方面好好👍🏻。佢哋最勁嘅地方係就算我有陣時無約時間咁樣上去都可以即刻嗌得出我個名,可以感覺到佢哋好上心。

雖然期間負責我哋嘅同事有轉過,我哋一開始都有少少擔心,不過最後佢哋都做得好好。因為嗰日有社會運動會比較尷尬,大家都趕住走,佢哋會安排好要點樣走同交通車位嗰啲,好抵讚。賓客feedback返都話啲嘢食好食同夠熱,送嘅餐前小食都好好食😋,有啲點心同乾炒牛河咁,呢一點好貼心,因為嗰日有賓客早咗嚟,但係出面嘅情況咁混亂都唔想離開,淨係坐喺度又唔知做咩好,所以佢哋送埋呢啲小食就啱啱好啦。突發情況佢哋都可以處理得好好,整體我哋好滿意啦,真係估唔到咁好🤩

但係佢哋始終係酒樓,其他同事嘅service再做得足啲就更加好啦,譬如斟茶遞水方面就可以再注意下。不過佢哋以咁樣一間酒樓嚟講性價比好高🥳,我已經介紹佢哋俾啲朋友啦,如果唔想煩啲deco嘅朋友就可以考慮下佢哋啦,因為佢哋嘅deco已經set up好晒,場地光猛,交通又方便,大家出入都好,樓下有停車場又方便埋揸車嘅賓客,好適合圍數唔係太多嘅新人啦

婚禮及婚宴場地
海港薈 (尖沙咀北京道一號)
2020.04.24

多謝于小姐同先生嘅評語😍唔好客氣喇,為新人解決問題係我哋嘅責任黎架嘛😊最後祝你哋百年好合!😆

聯絡資料
2151 1828
vhsupreme@hoikonghk.com.hk
最新優惠
聯絡商戶