我一開始係喺本雜誌睇到Bella Summer Productions啲相，覺得幾靚，因為佢啲風格係我自己想要嘅自然風格，見到雜誌入面佢嘅相可以捕捉到人自然流露嘅一面，所以就揀咗佢哋香港studio影pre-wedding啦😆。

一開始係我男朋友去whatsapp Bella嘅，佢send咗好多details俾我哋，跟住有問我哋嘅要求係點樣，我哋就好直接講話鍾意佢影得自然，同埋唔想太過做作嘅畫面，佢就可以俾到信心我哋去影😇。之後上到去佢哋studio，感覺好舒服，好多都係家居嘅場景，又有啲fancy啲嘅場景，兩類都可以影。

輯相係Bella自己親手操刀嘅，由開始引導我哋點樣去warm up，佢可以影到我哋喺入面好自然相處嘅細節。開始嘅時候我哋都有緊張，唔知要點樣擺pose，但係慢慢佢叫我哋去回憶下大家開心嘅片段，或者係我哋平時做嘅一啲動作。佢仲會問我哋平時聽咩歌，之後就幫我哋播出嚟，咁個氣氛就比較接近我哋兩個人相處咁，俾我哋舒服啲可以做到平時做嘅嘢咁，佢再喺個過程中去capture🥰。雖然佢都有教我哋擺pose，但係唔會夾硬叫我哋做啲平時唔會做嘅動作，而只係提點我哋個頭dup低少少會靚啲咁呢啲細微嘅動作，所以成個過程好舒服。

佢嗰日影完之後就已經send咗幾張執過嘅俾我哋睇咗先，真係好快。佢揀嘅相都係highlight同最靚嘅嗰啲，影出嚟係我自己想要嗰種自然嘅風格，影到好多都好靚，性價比好高啊😍。

不過我覺得化妝師嗰度嘅時間用得比較耐，本身預兩個鐘化妝，但係overrun咗半個鐘，呢個時間控制可能就可以好啲啦。不過佢係化得好仔細嘅，個妝好靚，只係我無expect要化咁耐啦🙈。

之後影相嘅時間都overrun咗，但係佢無食我哋鐘，影相過程都唔會覺得好耐，我哋係enjoy嘅。我會介紹Bella Summer Productions俾其他朋友啊，因為我哋影嘅係studio，如果想影多啲大頭同平日細節溫馨嘅相就好啱佢哋啦🥳。

嗰陣佢哋啱啱新開，不過見到佢哋嘅相係自然啲，同出面嘅攝影師好唔同，會特別啲，又覺得價錢嗰啲好ok，同埋攝影師好nice。因為我先生係坐輪椅嘅，影之前諗地方就已經會諗下點幫我哋，所以最後就決定搵佢影pre-wedding啦😊。

我本身有朋友係做婚攝公司，自己之前都有影pre-wedding，但係就同先生覺得不如搵一間唔同啲，自然啲嘅公司，所以就搵Bella再影多輯啦。我一開始係用Instagram接觸佢哋，之後就whatsapp來往，自從我搵咗佢之後，佢keep住whatsapp都覆得好快。佢會問我prefer咩地方，之後又幫我分析下個位置啱唔啱👍🏻。

影相嘅成個過程我覺得Bella係個好細心嘅攝影師，始終可能因為係女攝影師，佢都有叫佢先生嚟幫手，見到我先生坐輪椅有啲唔方便嘅就會嚟幫手，有重嘢又幫我哋拎，就叫我哋淨係享受個影相就可以，其他行李嗰啲佢哋就會幫手兼顧，唔洗我哋擔心😇。其實成個過程最重要佢都係叫我哋自然啲，好似平時咁玩下，我哋好鍾意其中一張相就係我哋好似跳緊舞，我喺度轉緊圈咁樣。呢啲pose就唔似平時啲攝影師建議咁死板，而係建議我哋跳下舞，動態好多，跟住佢就會捕捉，出到嚟啲相真係好自然，真係屬於我哋之間嘅互動😍。

我影完有一直follow佢哋Instagram，見到每一輯新人影出黎嘅感覺都唔同。因為我哋影嗰陣仲好早期，就得佢一個人影，佢一個女仔拎啲重嘢會辛苦啲，所以我建議佢真係要搵返個小助手幫佢啦，可以幫手拎下嘢，夜啲嘅時候又可以幫手打下燈。

我擺啲相上自己嘅社交平台，已經有好多人讚我輯相好靚，之後問係喺邊度影，有一個大學同學準備結婚，問咗我之後我發現佢哋最終真係有搵到Bella影😆。我覺得咩類型嘅新人都會適合搵佢哋啊，因為未影之前佢就已經會問好多我哋嘅資料，了解咗對新人嘅風格先，再去諗要點樣幫佢哋影，所以我覺得咩類型嘅新人都ok，可能鍾意外國式、唔係好傳統中式嘅新人就可以考慮下佢哋啦。佢哋有埋攝影、化妝同服裝，所以我真係一啲都唔洗煩惱，帶個人過去就可以😙。

收返啲相嘅時候我好surprised，真係無諗過可以影到啲咁自然嘅相，尤其是佢捕捉moment好好，我最鍾意嗰張嘅裙擺係真係睇到轉緊咁。我本身係搵咗個攝影團隊影big day㗎啦，佢哋有包咗啲影pre-wedding嘅相架嗰啲，但係我鍾意bella影嘅嗰張相鍾意到再整咗幅大油畫去擺喺reception嗰度。一直收到好多comment都係話我哋輯相影得好靚，我先生仲轉埋咗whatsapp icon添，佢都話自從擺咗張相出嚟之後個個見到都讚🥰。佢哋嘅價錢有咁嘅成品好值得，仲包埋化妝同服裝，比較起我之前影嘅其他pre-wedding，覺得Bella Summer Productions真係好值得推薦啊🥳。