Bella Summer Productions
4.8
香港荔枝角Room 1701 , W668 , 680 Castle Peak Road, Cheung Sha Wan
9013 2337
關於 Bella Summer Productions

Bella 型格的外表下原來是一顆脆弱的心靈,「我自己是在一個破碎家庭中成長,也經歷過不少低潮,令我對幸福的感受更深刻,更喜歡為別人留下最幸福美滿的瞬間,看到作品中新人開心和感動的神情,就會忍不住傻笑。」有故事旳人,才能拍出有故事的照片,造就了Bella 拍Snapshots 的獨特觸角,令每張照片更真挈感人。對Bella 而言,每張作品背後的組成是她所有的人生經歷,她的背景、讀過的書、愛聽的音樂⋯⋯得到新人亦是知音人的欣賞,就是她對攝影熱情不減的最大動力。


花嫁 10 Best Wedding Photographers 十大婚禮攝影師2019-2020



攝影地點:
本地
海外
攝影地點:
本地
海外
攝影地點:
本地
海外
攝影地點:
本地
海外
最新評論
整體滿意度
4.8
過濾評語:
Elaine Wong
4.5
精選評論
我係經其他新娘認識到Bella Summer Productions嘅,覺得佢哋風格比較自然,我哋鍾意佢嘅色調,所以就揀咗佢哋影outdoor同studio嘅pre-wedding啦😊。

我哋搵咗佢無耐就上咗佢哋studio傾,大概聽咗我哋同老公係點識同拍拖,佢哋再根據咁樣design我哋要拍啲咩主題,同埋俾咗幾個地…

我係經其他新娘認識到Bella Summer Productions嘅,覺得佢哋風格比較自然,我哋鍾意佢嘅色調,所以就揀咗佢哋影outdoor同studio嘅pre-wedding啦😊。

我哋搵咗佢無耐就上咗佢哋studio傾,大概聽咗我哋同老公係點識同拍拖,佢哋再根據咁樣design我哋要拍啲咩主題,同埋俾咗幾個地方我哋揀去影outdoor,好有經驗。溝通過程好舒服,唔會hard sell嘅。影相嗰日佢哋有教我哋點樣擺pose會靚啲,但係無話一定要我哋擺某個pose,而係一路同我哋傾計,問下我哋點樣識啊,等我哋可以放鬆下,笑得自然啲,就可以捕捉到我哋最自然舒服嘅一面🥰。

不過化妝嗰度就要提前夾一夾啦,因為我無搵太多reference,亦都無同化妝師事前溝通過,開頭影studio嘅時候個妝唔係化得幾好,我同咗個化妝師反映返,咁之後影outdoor嘅時候佢哋就好快開咗個group,有問我今次想整咩頭同個妝有咩想改善,肯聽我意見👍🏻。

佢哋真係好快手啊,影完studio嗰晚佢哋已經執咗幾張相俾我哋睇咗,係我哋笑得最開心最自然嘅相,真係影得好靚啊,符合到我哋預期🥳。雖然佢哋嘅價錢對比起其他會貴啲,但係我哋影得開心同舒服,所以係抵俾㗎😆。我覺得想要捕捉到自然同隨性感覺嘅新人就適合Bella Summer Productions啦,因為佢哋唔會有好多正面相,想要好standard嗰啲一定要擺咩pose嘅新人就未必適合啦。

攝影
Bella Summer Productions
2020.06.01

多謝Elaine對我哋嘅讚賞🤩放心🙇🏻‍♀️! 我哋已經換咗另一個化妝師, 希望可以比到更好嘅服務新人! 祝福你哋新婚愉快, 幸福美滿, 白頭偕老!

lillian
5
精選評論
喺同事介紹Bella Summer Productions俾我嘅,覺得佢影嘅風格係我想要嘅嘢,佢哋唔會好pushy,所以傾得好舒服,而我去過婚展就覺得有啲公司好aggressive,所以最後就揀咗佢哋影pre-wedding啦。
中間我係用WhatsApp同佢哋傾嘅,佢哋覆得好快,出咗個package俾我睇,價錢好合理…

喺同事介紹Bella Summer Productions俾我嘅,覺得佢影嘅風格係我想要嘅嘢,佢哋唔會好pushy,所以傾得好舒服,而我去過婚展就覺得有啲公司好aggressive,所以最後就揀咗佢哋影pre-wedding啦。

中間我係用WhatsApp同佢哋傾嘅,佢哋覆得好快,出咗個package俾我睇,價錢好合理👍🏻。佢哋仲有問我心目中有咩地方想影,亦會了解下我同未婚夫嘅工作背景,睇我哋有咩共同回憶,之後就住呢啲諗適合我哋嘅嘢,而唔係每個客都係用同一個背景,好特別。

影相嗰日佢哋全team人都好照顧我,尤其是我著住條裙要周圍走,佢哋就會幫我捧裙幫我拎嘢,又有個outdoor換衫嘅位可以俾我好放心地換衫🥰。佢哋有好多唔同嘅idea,所以我哋唔洗點諗pose,佢哋會就住適合我哋做嘅嘢去提議我哋可以點玩多啲花款。同埋攝影師真係超好活力啊,我哋兩個已經好攰嘅時候佢都仲好多idea,好想繼續影,feel到佢係認真想幫我哋將輯相影得好好,而唔係交50張相就完工。

我哋已經收返啲相啦,比我預期中靚好多啊😍,因為佢哋可能較過啲filter,同埋當日我自己都唔知擺咗咩表情,嗰刻睇到啲相真係好開心,影得好sweet,亦都影得我未婚夫好睇😝。

我覺得年輕同唔想要傳統婚紗相嘅新人就會適合Bella Summer Productions啦,佢哋嘅風格係比較自然嘅,價錢又合理。同埋我哋big day搵佢影相會再有discount,所以成個package好抵啊,會抵過我搵出面比較出名嘅studio或者去海外影兩三萬一輯啦🤓。

Prewedding婚紗攝影
Bella Summer Productions
2020.04.02

「多謝Lillian同先生對我哋團隊嘅肯定同讚賞😍見到你哋咁鍾意我哋嘅相片, 我哋都好開心😆同埋, 唔好客氣喇~照顧你幫你捧裙拎嘢係我哋應該嘅😊祝你哋白頭到老, 永結同心!」

最新優惠
聯絡商戶